కామెంట్‌: ఉగాది పచ్చడిలా ఉన్న లుక్కులు

మామూలుగా ఫస్ట్‌ లుక్‌ రిలీజ్‌ చేస్తున్నారంటే.. ఖచ్చితంగా అందులో ఏదో ఒక టెరిఫిక్‌ ఎలిమెంట్‌ ఉండాలి. ఎందుకంటే ఫస్ట్ లుక్‌ నుండే అసలు ఒక సినిమాపట్ల ఏదైనా హైప్‌ ఏర్పడటం అనేది మొదలవుతుంది. అయితే ఈ రోజు రిలీజైన కొన్ని ఫస్టు లుక్కులు.. ఉగాది స్పెషల్‌ పోస్టర్లు చూస్తుంటే మాత్రం.. ఓవరాల్‌ గా అన్నీ ఉగాది పచ్చడి టైపులో మిక్సడ్‌ ఫీలింగ్‌ ను తెస్తున్నాయి కాని.. పెద్దగా ఔరా అనిపించేలా మాత్రం లేవు.

బాబూ బంగారం.. ఒక మనస్సు.. సినిమా ఫస్ట్‌ లుక్‌ పోస్టర్లు ఈరోజు రిలీజయ్యాయ్‌. వీటితో పాటు.. ప్రేమమ్‌ కొత్త పోస్టర్‌.. అ..ఆ ఉగాది పోస్టర్‌.. ఈడోరకం ఆడోరకం ఉగాది పోస్టర్‌.. లెజండ్‌ 750 డేస్‌ పోస్టర్‌.. ఇలా చాలానే వచ్చాయి. అయితే ఒక్క పోస్టర్ లో కూడా సరైన కిక్‌ లేదనేది నిర్వివాదాంశం. వెంకీ స్లిమ్‌ లుక్‌ బాగుంది అనుకోవచ్చు. మెగా ప్రిన్సెస్‌ నిహారిక కూడా బాగానే ఉంది. ప్రేమమ్‌ పోస్టర్‌ లో శృతి హాసన్‌ ను చూడొచ్చు. అ..ఆ అయితే పరమ రొటీన్‌. ఈడోరకం పోస్టర్‌ అదోరకంగా ఉంది. లెజండ్‌ అయితే 750 అంటేనే షాకు.. మళ్లీ కొత్తగా పోస్టర్‌ ఎలా ఉందనేది చెప్పేదేముంటుంది.

మొత్తానికి ఉగాది నాడు.. తీపి.. పులుపు.. చేదు.. కారం.. మొదలగు షట్రుచుల కాంబినేషన్‌ లా ఉన్నాయ్‌ ఈ పోస్టర్లు.