'విక్ర‌మ్' ట్రైల‌ర్ లో టాలీవుడ్ స్టార్ హీరోస్‌.. అదేలా?

యూనివ‌ర్స‌ల్ స్టార్ క‌మ‌ల్ హాస‌న్ న‌టించిన యాక్ష‌న్ థ్రిల్ల‌ర్ 'విక్ర‌మ్‌'. దాదాపు నాలుగేళ్ల విరామం త‌రువాత క‌మ‌ల్ నుంచి వ‌చ్చిన చిత్ర‌మిది. రాజ‌కీయాల్లోకి ప్రవేశించిన నేప‌థ్యంలో ఆయ‌న గ‌త కొన్నేళ్లుగా సినిమాల‌కు దూరంగా వుంటూ వ‌స్తున్నారు. నాలుగేళ్ల విరామం త‌రువాత ప‌వ‌ర్ ఫుల్ యాక్ష‌న్ ఎంట‌ర్ టైన‌ర్ గా తెర‌కెక్కిన 'విక్ర‌మ్‌' మూవీతో ప్రేక్ష‌కుల ముందుకొచ్చారు. యంగ్ టాలెంటెడ్ డైరెక్ట‌ర్ లోకేష్ క‌న‌గ‌రాజ్ డైరెక్ట్ చేసిన ఈ మూవీ ఊహ‌లకు అంద‌ని స్థాయిలో వ‌సూళ్ల వ‌ర్షం కురిపిస్తూ విజ‌య‌వంతంగా ప్ర‌ద‌ర్శింప‌బ‌డుతోంది.

వ‌ర‌ల్డ్ వైడ్ గా భారీ స్థాయిలో విడుద‌లైన ఈ మూవీ కేవ‌లం రెండు వారాల్లోనే రూ. 300 కోట్ల మైలు రాయిని దాటి సంచ‌ల‌నం సృష్టించింది. విజ‌య్ సేతుప‌తి, ఫ‌హ‌ద్ ఫాజిల్‌, న‌రేన్ కీల‌క పాత్ర‌ల్లో న‌టించిన ఈ మూవీ యాక్ష‌న్ చిత్రాల్లో స‌రికొత్త ఒర‌వ‌డికి శ్రీ‌కారం చేడుతూ భారీ వ‌సూళ్ల దిశ‌గా ప‌య‌నిస్తోంది. క‌మ‌ల్ కు హిట్ ల‌భిస్తే చాల‌నుకుంటే ఈ మూవీ ఆయ‌న‌కు ఊహించ‌ని విధంగా బ్లాక్ బ‌స్ట‌ర్ హిట్ ని అందించింది. దీంతో క‌మ‌ల్ చెప్ప‌లేని ఆనందంలో మునిగితేలుతున్నారు.

ఈ స్థాయి విజ‌యాన్ని ఈ మూవీ అందిస్తుంద‌ని ఊహించ‌ని క‌మ‌ల్ త‌న ఆనందాన్ని బ‌హుమ‌తుల రూపం లో వ్య‌క్తం చేయ‌డం విశేషం. ద‌ర్శ‌కుడు లోకేష్ క‌న‌గ‌రాజ్ కు లాస్ట్ లీ కార్ , చిన్న గెస్ట్ క్యారెక్ట‌ర్ లో న‌టించిన హీరో సూర్య‌కు రోలెక్స్ వాచ్, డైరెక్ష‌న్ టీమ్ మెంబ‌ర్స్ కి ప్ర‌త్యేకంగా బైక్ లు.. స్పెష‌ల్ డిన్న‌ర్ పార్టీ ఇస్తూ వార్త‌ల్లో నిలిచారు. ఇదిలా వుంటే ఈ మూవీ క‌మ‌ల్, విజ‌య్ సేతుప‌తి, ఫ‌హ‌ద్‌, న‌రేన్ లు కాకుండా మ‌న టాలీవుడ్ స్టార్స్ చేసి వుంటే ఎలా వుంటుంది?

అందులో క్రేజీ హీరోలైన సూప‌ర్ స్టార్ మ‌హేష్ బాబు, పాన్ ఇండియా స్టార్ ప్ర‌భాస్‌, యంగ్ టైగ‌ర్ ఎన్టీఆర్‌, ఐకాన్ స్టార్ అల్లు అర్జున్ చేసి వుంటే ఎలా వుంటుంది? అనే గ‌మ్మ‌త్తైన ఊహ‌తో 'విక్ర‌మ్' ట్రైల‌ర్ లో ఈ న‌లుగురు టాలీవుడ్ స్టార్ల‌ని క‌లిపి క‌ట్ చేసిన ఓ వీడియో ప్ర‌స్తుతం నెట్టింట వైర‌ల్ గా మారింది. మ‌హేష్ బాబు న‌టించిన 'స‌రిలేరు నీకెవ్వ‌రు' సీన్స్ తో ట్రైల‌ర్ ని మొద‌లు పెట్టాడు. ఆ త‌రువాత సాహో విజువ‌ల్స్ , అర‌వింద స‌మేత లోని ఫైట్ సీక్వెన్స్‌...సాహో క్లైమాక్స్ ఛేజ్ ... మ‌ధ్య మ‌ధ్య‌లో విక్ర‌మ్ విజువ‌ల్స్‌, డైలాగ్స్ ని కంటిన్యూ చేస్తూ ఈ న‌లుగురు స్టార్స్ తో 'విక్ర‌మ్‌' ని చేస్తే ఎలా వుంటుందో షాంపిల్ చూపించారు.

మెయిన్ లీడ్ ల‌లో సూప‌ర్ స్టార్ మ‌హేష్ ని ఆ త‌రువాత క్యారెక్ట‌ర్ లో ప్ర‌భాస్‌, ఎన్టీఆర్ ల‌ని చూపించి ఈ ముగ్గురు వున్న సినిమాలో మెరుపులాంటి గెస్ట్ పాత్ర‌లో బ‌న్నీ న‌టిస్తే ఎలా వుంటుంద‌ని చూపించిన తీరు ఎక్స్ ట్రార్డిన‌రీగా వుంది.

ప్ర‌స్తుతం ఈ ట్రైల‌ర్ ప‌ర్ ఫెక్ట్ గా కుద‌ర‌డంతో నెట్టింట వైర‌ల్ గా మారింది. 'విక్ర‌మ్' మూవీలో టాలీవుడ్ స్టార్ హీరోస్‌.. న‌టించారా? అదేలా? అని అంతా ఆశ్య‌ర్యంగా చూస్తున్నారు. ఇది ఫ్యాన్ మేడ్ ట్రైల‌ర్ అని తెలిసి ఈ ముగ్గురు క‌లిసి ఓ సినిమాలో న‌టిస్తే చూడాల‌ని వుంద‌ని చాలా మంది నెటిజ‌న్ లు కోరుకుంటున్నారు.Full View