త్రివిక్రమ్‌ ఇప్పుడైనా న్యాయం చేస్తాడా?

కమెడియన్ గా రీ-ఎంట్రీ ఇచ్చిన సునీల్ టైం ఏమీ బాగాలేదు.  'సిల్లీ ఫెలోస్' సిల్లీగా ఉంది.  'ఆరవింద సమేత' లో కామెడీకి స్కోప్ లేదు. 'అమర్ అక్బర్ అంటోనీ' లో స్కోప్ ఉందిగానీ సినిమా ప్రేక్షకులకు కనెక్ట్ కాలేదు. మరి ఇలా ఉన్న సందర్భంలో సునీల్ మరోసారి తన స్నేహితుడు త్రివిక్రమ్ పైనే నమ్మకం పెట్టుకున్నాడట.

త్రివిక్రమ్ కూడా తన నెక్స్ట్ సినిమాలో సునీల్ కు మంచి పాత్ర డిజైన్ చేస్తానని ఈసారి ఆ పాత్రకు ఫుల్ కామెడీ ఉండేలా చూస్తానని హామీ ఇచ్చాడట. త్రివిక్రమ్ నెక్స్ట్ సినిమా అల్లు అర్జున్ తో ఉండబోతోందని ఇప్పటికే వార్తలు వస్తున్నాయి. పైగా బన్నీ ఒక కామెడీ ఎంటర్టైనర్ వైపే మొగ్గుచూపుతున్నాడని వార్తలు వస్తుండటంతో ఈసారి తప్పనిసరిగా తన స్నేహితుడికోసం గురూజీ ఒక మంచి పాత్రతో వస్తాడని అంటున్నారు.

అసలే త్రివిక్రమ్ కామెడీ ఈ జెనరేషన్  ఆడియన్స్ కు కనెక్ట్ కావడం లేదని.. అయన కాస్త అప్ గ్రేడ్ కావాల్సి ఉందని అక్కడక్కడా కామెంట్స్  కూడా వినిపిస్తున్నాయి. మరి ఇలాంటి పరిస్థితుల్లో తన స్నేహితుడిని ఎలా ఒడ్డుకు చేరుస్తాడో వేచి చూడాలి.