సాహో... మళ్లీ ట్రోలింగ్

'బాహుబలి 2' రిలీజ్ రోజు ప్రభాస్ సాహోకి సంబంధించి ఇట్స్ షో టైం అంటూ ప్రభాస్ తో ఓ డైలాగ్ చెప్పించి వదిలారు. ఆ వీడియో అందరినీ ఆకట్టుకొని సినిమాపై అంచనాలు నెలకొల్పింది. మళ్లీ షూటింగ్ జరుగుతున్న సమయంలో ఫస్ట్ లుల్ వదిలారు. వెంటనే అది హాలీవుడ్ సినిమా లుక్ కి కాపీ తేల్చేశారు నెటీజర్లు. ఆ తర్వాత కూడా మరో పోస్టర్ ఇంకేదో సినిమాకి కాపీ అని పోస్టర్స్ తో సహా పెట్టారు. కాపీ పోస్టర్ అంటూ ట్రోల్ చేశారు. అయితే ఆ తర్వాత మళ్ళీ సాహోని ట్రోల్ అంశాలు నెటీజర్లకు దొరకలేదు.

అయితే మొన్న విడుదలైన ట్రైలర్ లో ఓ డైలాగ్ మరో సినిమా డైలాగ్ తో కంపేర్ చేస్తూ మళ్లీ ట్రోలింగ్ మొదలెట్టారు. సాహో ట్రైలర్ లో 'గల్లీ సిక్స్ ఎవడైనా కొడతాడు...కానీ స్టేడియం లో కొట్టేవాడికే ఒక రేంజ్ ఉంటది' అని ప్రభాస్ చెప్పిన డైలాగ్ అందరినీ ఆకట్టుకుంది. ట్రైలర్ ఈ డైలాగ్ బాగా పేలింది కూడా. అయితే ఇప్పుడు ఆ డైలాగ్ అల్లు అర్జున్ జులాయి సినిమాలో డైలాగ్ తో పోలుస్తూ కాపీ అని చెప్తూ ట్రోల్స్ చేస్తున్నారు. వీడియో చూస్తే జులాయి లో అల్లు అర్జున్ చెప్పిన డైలాగ్ కి ప్రభాస్ చెప్పిన డైలాగ్ పొలికలున్నాయి.

సో అలా సుజిత్ త్రివిక్రమ్ డైలాగ్ ని కాపీ కొట్టి ఈ డైలాగ్ రాసాడేమో అంటున్నారు. కానీ దానికి ఆస్కారం లేదు. సుజిత్ మామూలుగానే డైలాగ్ రాసుకొని ఉంటాడు. అది జులాయి తో మ్యాచ్ అయి ఉంటుంది. అంతకు మించి ఇందులో తప్పు పట్టడానికి లేదు. మొన్న పోస్టర్స్ కాపీ పై కాన్ఫిడెంట్ గానే స్పందించాడు సుజిత్.మరి ఈ ట్రోలింగ్ పై సుజిత్ ఎలా స్పందిస్తాడో..చూడాలి.