అబ్బాయిని ఆకాశానికి ఎత్తేసిన బాబాయిలు!

డ్యాషింగ్ డైరెక్ట‌ర్ పూరి జ‌గ‌న్నాథ్ త‌న‌యుడు ఆకాష్ హీరోగా తెర‌కెక్కిన `రొమాంటిక్` ఈ శుక్ర‌వారం గ్రాండ్ గా రిలీజ్ అయిన సంగ‌తి తెలిసిందే. ఇప్ప‌టికే సినిమా చూసిన టాలీవుడ్ దిగ్గ‌జాలంతా ఆకాష్ ని ప్ర‌శంసిస్తూ ఆకాశానికెత్తేసిన సంగ‌తి తెలిసిందే. వ‌య‌సులో చిన్న‌వాడైనా ఆకాష్ పెర్పార్మెన్స్ కి మంచి ప్ర‌శంస‌లు ద‌క్కాయి. పూరి మార్క్ చిత్రమిద‌ని అత‌ని శిష్యుడు అనీల్ పాడూరి తెర‌కెక్కించిన `రొమాంటిక్ `పై స‌ర్వ‌త్రా ప్ర‌శంస‌లు కురిపించారు. క్రిటిక‌ల్ గా మిక్స్ డ్ టాక్ తో న‌డుస్తోంది ఈ చిత్రం. యూత్ టార్గెట్ గా తెర‌కెక్కిన సినిమా కాలేజ్ స్టూండెట్స్ ని ఆక‌ట్టుకుంటుంది. తాజాగా ఈ సినిమా ని న‌ర్సీప‌ట్నంలో చూసిన‌ ఆకాష్ బాబాయిలు అబ్బాయిని ఆకాశానికి ఎత్తేసారు.

అబ్బాయిని రొమాంటిక్ హీరోగా చూసుకుని మురిసిపోయారు. పూరి స్వ‌స్థ‌లం న‌ర్సీప‌ట్నం లోని ఓ థియేట‌ర్లో ఆకాష్ బాబాయ్ లు పెట్ల ఉమాశంక‌ర్.. న‌టుడు సాయిరాం శంక‌ర్ అభిమానుల మ‌ధ్య‌లో కూర్చొని సినిమా చూసారు. అనంత‌రం ఏర్పాటు చేసిన మీడియా స‌మావేశంలో ఆకాశ్ బాగా న‌టించాడ‌ని ప్ర‌శంసించారు. భ‌విష్య‌త్ లో పెద్ద స్టార్ అవుతాడ‌న‌ని..ఆ ఫీచ‌ర్స్ అన్నీ ఆకాశ్ లో ఉన్నాయ‌ని అన్నారు. అన్ని వ‌ర్గాల‌ ప్రేక్ష‌కుల‌కు న‌చ్చే సినిమా ఇద‌ని..క్లైమాక్స్ లో హార్ట్ ట‌చ్చింగ్ స‌న్నివేశాల‌తో ఆకాష్ న‌టుడిగా ప్ర‌త్యేకంగా ఆక‌ట్టుకున్నాడ‌ని అన్నారు.

ఇక ఉమాశంక‌ర్ న‌ర్సీపట్నం వైకాపా ఎమ్మెల్యేగా కొన‌సాగుతున్న సంగ‌తి తెలిసిందే. ఎన్నిక‌ల స‌మ‌యంలో త‌మ్ముడికి వైకాపా త‌రుపున టిక్కెట్ ఇచ్చినందుకు పూరి జ‌గ‌న్నాథ్‌.. ముఖ్య‌మంత్రి వైయ‌స్ జ‌గ‌న్ కి కృత‌జ్ఞ‌త‌లు తెలిపారు. ఇక సాయిరాం శంక‌ర్ హీరోగా కొన్ని సినిమాల్లో న‌టించిన సంగ‌తి తెలిసిందే. ఆ త‌ర్వాత పెద్ద‌గా సినిమాలు చేయ‌లేదు. ప్ర‌స్తుతం హైద‌రాబాద్ లోనే నివాసం ఉంటున్నాడు.