సీతారామం స్టార్‌ కొత్త సినిమా డేట్ ఫిక్స్‌

తెలుగు లో దుల్కర్ సల్మాన్ బ్యాక్ టు బ్యాక్ రెండు సక్సెస్‌ లను దక్కించుకున్నాడు. తాజాగా వచ్చిన సీతారామం సినిమా సందడి ఇంకా కొనసాగుతూనే ఉంది. భారీ విజయాన్ని సొంతం చేసుకున్న సీతారామం సినిమా తో దుల్కర్ సల్మాన్‌ కి తెలుగు లోనే కాకుండా పాన్ ఇండియా స్థాయిలో మంచి క్రేజ్ దక్కింది అనడంలో సందేహం లేదు. అందుకే ఆయన తదుపరి సినిమా ను వెంటనే విడుదలకు సిద్ధం చేస్తున్నారు.

దుల్కర్ సల్మాన్‌ హిందీలో 'చుప్: రివెంజ్ ఆఫ్ ద ఆర్టిస్ట్' అనే సినిమా ను చేశాడు. ఈ సినిమా పై అక్కడి ప్రేక్షకుల్లో ఆసక్తి నెలకొంది. దుల్కర్ సల్మాన్‌ అభిమానులు కూడా ఈ సినిమా కోసం ఆసక్తిగా ఎదురు చూస్తున్నామని అంటున్నారు. మంచి బజ్‌ ఉన్న ఈ సినిమా విడుదల తేదీ విషయంలో యూనిట్‌ సభ్యులు ఎట్టకేలకు ఒక స్పష్టతను ఇచ్చారు.

చుప్ సినిమా ను సెప్టెంబర్‌ 23న విడుదల చేయాలనే నిర్ణయానికి వచ్చారట. అధికారికంగా చిత్ర యూనిట్‌ సభ్యులు సినిమా విడుదల తేదీని ప్రకటించారు. విడుదలకు దాదాపుగా నెల సమయం ఉంది కనుక ప్రమోషన్ హడావుడి మొదలు పెట్టబోతున్నారు.

ఈ సినిమా లో సన్నీ డియోల్‌.. శ్రియ ధన్వంతరి.. పూజా భట్‌ ఇంకా పలువురు ప్రముఖ నటీ నటులు ఈ సినిమా లో కీలక పాత్రల్లో కనిపించబోతున్నారు. ఈ సినిమా కు ఆర్ బాల్కీ దర్శకత్వం వహించగా.. పెన్ స్టూడియో బ్యానర్ లో రూపొందిన ఈ సినిమా కు అమిత్ త్రివేది సంగీతాన్ని అందించాడు. తెలుగు లో సక్సెస్ అయిన దుల్కర్ హిందీలో దాన్ని కంటిన్యూ చేస్తాడా అనేది చూడాలి.