అక్షయ్ కుమార్ సరసన ఛాన్స్ కొట్టేసిన నాని భామ!

వాణి క‌పూర్.. ఈ పేరు తెలుగు ప్రేక్ష‌కుల‌కు పెద్ద‌గా ప‌రిచ‌యం లేదు. కానీ నాని హీరోగా న‌టించిన ఆహాక‌ళ్యాణం సినిమా గుర్తు చేసుకుంటే మాత్రం వాణిక‌పూర్ ఈజీగా గుర్తొస్తుంది. 2016లో విడుద‌లైన బేఫికరే సినిమాలో ముద్దుల‌తో ముంచెత్తిన ముద్దుగుమ్మే ఈ వాణి‌. కెరీర్ ప్రారంభమై ఇన్నేళ్లయినా ఇంతవరకు వాణికి సరైన గుర్తింపు రాలేదు. పెద్ద సినిమాలు చేసినా దర్శకనిర్మాతలు పెద్దగా పట్టించుకోలేదు. బాలీవుడ్ లో న‌టించిన ప్ర‌తీ సినిమాలోనూ అందాల ఆర‌బోత‌తో రెచ్చిపోయింది. ఇక ఫోటోషూట్ లతో సోషల్ మీడియా వేడెక్కించేస్తుంది. ఆఫ‌ర్లు లేనప్పుడల్లా కొన్ని మ్యాగ‌జైన్ క‌వ‌ర్ పేజీల ‌పై అదిరిపోయే అందాల షో చేస్తూ అలరిస్తుంది. ఇక ఆ మధ్య రెచ్చిపోయి మ్యాగ్జిమ్ కవర్ పేజీ పై పిచ్చెక్కించే రేంజ్ లో అందాలు ఆర‌బోసింది.

మ్యాగ్జిమ్ మ్యాగ‌జైన్ అంటేనే అందాల విందు మాక్సిమం రేంజ్ లో ఉంటుందని తెలిసిందే. అలా అని హిట్లు లేవని సినిమాలు చేయకుండా ఖాళీగా కూర్చోవడం లేదు. అడపా దడపా బాలీవుడ్ సినిమాలు చేస్తూనే ఉంది. రీసెంట్‌గా హృతిక్ రోషన్, టైగర్ ష్రాఫ్ హీరోలుగా రూపొందిన ‘వార్‌' సినిమాతో సూపర్ హిట్ అందుకొని ప్రస్తుతం జోరు మీద ఉన్నట్లు తెలుస్తుంది. ఇక తాజాగా స్టార్ హీరో అక్షయ్ కుమార్ హీరోగా నటిస్తున్న 'బెల్ బాటమ్' మూవీలో ఛాన్స్ కొట్టేసింది ఈ గుమ్మ. రంజిత్ తివారి దర్శకత్వంలో తెరకెక్కనున్న ఈ మూవీ.. 1980ల నేపథ్యంలో సాగే స్పై థ్రిల్లర్ గా రూపొందనుందట. వషూ భగ్నానీ.. జాకీ భగ్నానీ.. దీప్షికా దేశ్‌ముఖ్.. మోనీషా అద్వానీ.. మధు భోజ్వానీ.. నిఖిల్ అద్వానీలు సంయుక్తంగా నిర్మిస్తున్న ఈ సినిమాను వచ్చే ఏడాది ఏప్రిల్ లో విడుదల చేయనున్నట్లు సమాచారం.