నాలుగోసారి రొమాన్స్ చేయనున్నారు

కరణ్ జోహార్ స్టూడెంట్ ఆఫ్ ది ఇయర్ తో బాలీవుడ్ కి నెక్స్ట్ జెనరేషన్ సూపర్ స్టార్స్ దొరికారు అనే చెప్పాలి. ఆ సినిమాలో వరుణ్ ధావన్ - ఆలీయా బట్ - సిద్ధర్థ్ మల్హోత్రా పోటీ పోటీగా నటించి అందరినీ మెప్పించారు. రియల్ లైఫ్ లో ఆలీయా ప్రేమ వ్యవహారం ఎలా ఉన్న స్క్రీన్ పై మాత్రం వరుణ్ ధావన్ తో కెమిస్ట్రీ బాగా వర్కవుట్ అవుతుంది. వీళ్ళు ఇద్దరూ మంచి  ఫ్రెండ్స్ అని కూడా చెబుతారు ఇండస్ట్రీ వాళ్ళు. ఆ స్నేహమే సినిమాలో వీళ్ళ ప్రేమ కథలు హిట్ అవ్వడానికి కారణమని చెబుతున్నారు.

ఇప్పటివరకు మూడు సినిమాల్లో కలసి నటించిన ఈ జంట.. ఇప్పుడు నాలుగో సినిమాను కూడా చేసేస్తున్నారు తెలుసా. 'స్టూడెంట్ ఆఫ్ ది ఇయర్' తరువాత వీళ్ళిద్దరి కాంబినేషన్ లో వచ్చిన సినిమా 'హంప్టీ శర్మ కి దుల్హనియా' సుమారుగా ఆడినా.. నిన్న వచ్చిన  'బద్రినాథ్ కి దుల్హనియా' మంచి హిట్ కొట్టింది. ఇకపోతే ఇప్పుడు '2 స్టేట్స్' డైరెక్టర్ అభిషేక్ వర్మన్ కొత్త సినిమా 'శిద్దత్' లో వరుణ్ ఆలీయా రొమాన్స్ చేయబోతున్నారు. ఈ సినిమా కోసం ముందు అర్జున్ కపూర్.. ఆదిత్య రాయ్ కపూర్ ను అనుకున్నా కూడా.. చివరకు వరుణ్‌ ను కన్ఫామ్ చేశారు.

ఆలీయా 2018 సూఫీ లవ్ స్టోరీలుతో సందడి చేయబోతుంది. జోయా అఖ్తర్ మ్యూజికల్ డ్రామా లో రణవీర్ సింగ్ కు ప్రేయసి గా కనిపించనుంది. ఆ తర్వాత అయాన్ ముఖర్జీ  ఫాంటసీ ఫిలింలో రణబీర్ కపూర్ తో నటిస్తోంది. ​మేఘన గుల్జార్ డైరెక్టన్ లో హరిందర్ సిక్కా కాలింగ్ స్మిత్ అనే బుక్ ఆధారంగా తీస్తున్న సినిమాలో ఒక కాశ్మీర్ ఆర్మీ ఆఫీసర్ భార్యగా  నటించబోతోంది. ఇది 1971 లో పాకిస్థాన్ యుద్ధ నేపధ్యంలో ఉంటుంది అని తెలుస్తోంది. అది సంగతి.

Like Us on Facebook : https://www.facebook.com/Tupakidotcom/