ఫ్యాన్స్ మాత్రమే చూస్తే సినిమాలు ఆడవ్

మెగా ఫ్యామిలీ హీరో వరుణ్ తేజ్ సినిమాలు ఎంచుకునే తీరు.. చాలా విభిన్నంగా ఉంటుంది. ఓ కొత్త హీరో కానీ ఇలాంటి జర్నీ చేయడం చాలా అరుదు. అందులోను ఏ మెగా హీరో కూడా ఇలాంటి సినిమాలు చేసిన దాఖలాలు కనిపించవు.

మెగా హీరోల్లో తనకంటూ ప్రత్యేకమైన గుర్తింపు సంపాదించుకున్న వరుణ్ తేజ్.. కొత్త పంథాలో దూసుకుపోతున్నాడు. శ్రీకాంత్ అడ్డాలతో ముకుంద.. క్రిష్ తో కంచె.. పూరీ జగన్నాధ్ తో లోఫర్.. ఇప్పుడు శ్రీను వైట్లతో మిస్టర్.. తర్వాత శేఖర్ కమ్ములతో ఫిదా.. ఇదీ వరుణ్ తేజ్ సినిమాల వరుస. కేవలం ఫ్యాన్స్ మాత్రమే దృష్టిలో పెట్టుకుని సినిమాలు చేయనని.. ప్రేక్షకులందరినీ టార్గెట్ చేస్తానని చెబుతున్నాడీ మెగా హీరో. 'ఫ్యాన్స్ మాత్రమే సినిమాలు అడవు. ఫ్యాన్స్ మాకు బలం అనే విషయం నిజమే. అయితే.. ప్రతీ ఒక్కరి ఫ్యాన్ సినిమాలు చూడ్డంతోనే 100 కోట్ల ఫీట్ ను అందుకోగలుగుతున్నాం. ఫ్యాన్స్ మాత్రమే చూస్తే ఇలాంటి ఫీట్ సాధ్యం కాదు కదా' అన్నాడు వరుణ్ తేజ్.

'ఒక సెక్షన్ ఆడియన్స్ మాత్రమే టార్గెట్ చేసి సినిమాలు చేయబోను. అలాగే మెగా ప్రిన్స్ అనే ట్యాగ్ కూడా నాకు నచ్చదు. బాలీవుడ్ లో షారూక్ కు బాలీవుడ్ బాద్ షా అని.. ఆమిర్ కి మిస్టర్ పర్ఫెక్షనిస్ట్ అనే ట్యాగ్స్ ఉన్నా వాటిని వారెవరూ ఉపయోగించుకోరు' అని చెబుతున్నాడు వరుణ్ తేజ్.


Like Us on Facebook : https://www.facebook.com/Tupakidotcom/