పూరి కంటే ముందే తేజతో..

గత కొంత కాలంగా ఊహించని అపజయాలను ఎదుర్కొంటున్న విక్టరీ వెంకటేష్ సినిమా సినిమాకు చాలా గ్యాప్ తీసుకుంటున్నాడు. మార్కెట్ లెవెల్స్ కూడా తగ్గాయి. అయితే వెంకీ కి కరెక్ట్ స్టోరీ తగిలితే బాక్స్ ఆఫీస్ హిట్ తప్పకుండా పడుతుంది అనడంలో ఎలాంటి సందేహం లేదు. మాస్ ఆడియెన్స్ క్లాస్ ఆడియెన్స్ ని మెప్పించే అన్ని గుణాలు ఈ హీరో దగ్గర ఉన్నాయని ప్రత్యేకంగా చెప్పనక్కర్లేదు.

అయితే నెక్స్ట్ మాత్రం ఎలాగైనా వెంకీ హిట్ కొట్టాలని అనుకుంటున్నాడు. అలాగే కథలను కూడా స్పీడ్ గా ఒకే చేస్తున్నాడు. కొన్ని నెలల క్రితం తేజ దర్శకత్వంలో ఒక స్క్రిప్ట్ ను ఒకే చేసిన సంగతి తెలిసిందే. అలాగే రీసెంట్ గా పూరి జగన్నాథ్ దర్శకత్వంలో ఒక సినిమాను స్టార్ట్ చేయాలనీ అనుకున్నాడు. ఇదే నెలలో షూటింగ్ మొదలు కానుందని వార్తలు కూడా వచ్చాయి. కానీ వెంకీ ఆ సినిమా కాకుండా తేజ సినిమానే ముందుగా స్టార్ట్ చేస్తున్నాడని రీసెంట్ గా సమాచారం అందింది.

కొన్ని కారణాల వల్ల పూరి తన సినిమాను స్టార్ట్ చేయలేకపోయాడని తెలుస్తోంది. ప్రస్తుతం పూరి జగన్నాథ్ తన తనయుడి మెహబూబా సినిమాను ఫినిష్ చేసే పనిలో ఉన్నాడు. బహుశా ఆ మూవీ పనుల కారణమే అయ్యి ఉంటుందని మరో టాక్ వినిపిస్తోంది. మరి వెంకీ తేజతో చేసే సినిమాతో ఎంతవరకు హిట్ అందుకుండో చూడాలి. వెంకటేష్ త్రివిక్రమ్ తో కూడా ఒక సినిమాకు ఒకే చేసిన సంగతి తెలిసిందే.