వెంకీతో మెగా హీరో సెట్ అయ్యాడా?

ఒక సినిమాలో ఫుల్ కామెడీ ఎంటర్టైన్మెంట్ ఉంటే ఎటువంటి వారికైనా చాలా నచ్చుతుంది. ప్రస్తుతం అలాంటి కథలు చాలా తక్కువగా వస్తున్నాయని చెప్పాలి. దర్శకులు ప్రేక్షకులను నవ్వించాలని ప్రయత్నం చేస్తున్నా కూడా రొటీన్ గా అనిపిస్తున్నాయి. అయితే ఆ స్టైల్ లో సక్సెస్ ఫుల్ కథలను రాస్తూ మంచి ఎంటర్టైన్మెంట్ ని ఇస్తోన్న యువ దర్శకుడు అనిల్ రావిపూడి మాత్రం చాలా సక్సెస్ అవుతున్నాడు అని చెప్పాలి.

రీసెంట్ గా రాజా ది గ్రేట్ సినిమాతో మంచి కమర్షియల్ హిట్ అందుకున్న అనిల్ రావిపూడి మరో హిట్ ఫార్ములా కథతో రాబోతున్నాడు. ఈ సారి కొంచెం పెద్ద హిట్ కొట్టాలని F2 అనే కథను రాస్తున్నాడు. అయితే ఈ సినిమా మల్టీస్టారర్ అని అందరికి తెలిసిందే.

ఇప్పటికే విక్టరీ వెంకటేష్ ఒక హీరోగా సెలెక్ట్ అయ్యాడు. దిల్ రాజు సినిమాని నిర్మించేందుకు సిద్ధమయ్యాడు. అయితే మొన్నటి వరకు రానా - సాయి ధరమ్ తేజ్ ను మరో హీరోగా అనుకున్నారు.  కానీ వారిద్దరు కుదరకపోవడంతో ఇప్పుడు దిల్ రాజు.. వరుణ్ తేజ్ ని సెలెక్ట్ చేసినట్లు సమాచారం.

వరుణ్ అయితేనే కరెక్ట్ గా సెట్ అవుతాడని చెప్పడంతో దర్శకుడు అనిల్ కూడా ఏ మాత్రం సందేహించకుండా గ్రీన్ సిగ్నల్ ఇచ్చినట్లు టాక్. ఇక అన్ని కుదిరితే నెక్స్ట్ ఇయర్ స్టార్టింగ్ లోనే లాంచింగ్ కార్యక్రమాలను మొదలు పెట్టి వీలైనంత త్వరగా సినిమాను పూర్తి చేస్తారట. ప్రస్తుతం వెంకీ తేజ దర్శకత్వంలో ఒక సినిమాను చేయడానికి రెడీ అవుతున్నాడు, ఇక వరుణ్ తేజ్ తొలిప్రేమ తో బిజీగా ఉన్న సంగతి తెలిసిందే.