వెన్నెల కిషోర్ కాల్షీట్ చాలా కాస్ట్‌ లీ!

తెలుగు ఫిల్మ్ ఇండ‌స్ట్రీలో వెన్నెల కిషోర్‌ కు ఓ ప్ర‌త్యేక గుర్తింపు ఉంది. కిషోర్ కామెడీ టైమింగ్ సింప్లీ సూప‌ర్బ్‌. ఇప్పుడు  టాలీవుడ్‌ లో వెన్నెల కిషోర్ కెరీర్ పీక్‌ లో ఉంది. ప్రస్తుతం ఉన్న కమెడియన్లలో స్పూఫ్‌ లు - ప్యారడీలు కాకుండా అస‌లు సిస‌లు కామెడీ చేస్తోంది కిషోర్‌ ఒక్కడే.

బ్రహ్మానందం హ‌వా కొద్దిగా  తగ్గిపోయింది. సునీల్‌ హీరోగా మారిపోయాడు. కిషోర్ వారి స్థానాన్ని భ‌ర్తీ చేస్తున్నాడు.
పృధ్వీ కొన్ని సినిమాల్లో  మురిపించినప్ప‌టికీ మూప‌ ధోరణి వల్ల స్టార్‌ కమెడియన్ కాలేదు. ఈ టైమ్‌ లో కిషోర్‌ తన కామెడీతో అంద‌రినీ ఆక‌ట్టుకున్నాడు.

కొద్ది కాలంగా డిమాండ్‌ బాగా పెరగడంతో వెన్నెల కిషోర్‌ కాల్షీట్‌ రేటు అమాంతం పెరిగింద‌ట‌. ఏడాది క్రితం వరకు అతని సింగిల్‌ డే కాల్షీట్‌ యాభై వేలు పలికేదట. కానీ, ప్ర‌స్తుతం ఆ రేటు ఐదింత‌లు పెరిగింద‌ని వినికిడి. ప్ర‌స్తుతం కిషోర్‌ కు రోజుకి రెండున్నర లక్షలు చెల్లిస్తున్నారని టాక్‌.

పెద్ద హీరోల సినిమాలకైతే రోజుకి లక్షన్నర - రెండు లక్షలకి చేస్తున్నాడ‌ట‌. అతే, చిన్న సినిమాల‌కు మాత్రం రెండున్నర లక్షలు అడుగుతున్నాడని స‌మాచారం. రారండోయ్‌ వేడుక చూద్దాం - అమీ తుమీ సినిమాల త‌ర్వాత అత‌డికి డిమాండ్‌ పెరిగింది. భ‌విష్య‌త్తులో ఆ రేటు ఇంకా పెరిగినా ఆశ్చర్యం లేదని ఇండస్ట్రీలో గుస‌గుస‌లాడుకుంటున్నారు. దీపం ఉండ‌గానే ఇల్లు చ‌క్క‌బెట్టుకోవాల‌న్న సామెత‌ను బాగా ఫాలో అవుతున్నాడు కిషోర్‌!

Like Us on Facebook : https://www.facebook.com/Tupakidotcom/