కాటమరాయుడుతో ఆ కమెడియన్ రీఎంట్రీ

టాలీవుడ్ టాప్ కమెడియన్స్ లో ఒకడిగా ఎదిగాడు వేణు మాధవ్. దాదాపుగా ప్రతీ సినిమాలోను కనిపించే రేంజ్ సంపాదించుకున్నాడు కూడా. ఎంతటి పోటీ ఉన్నా.. ఎంతమంది కమెడియన్స్ కొత్తగా వచ్చినా.. వేణు మాధవ్ కి పోటీ లేదని అనిపించుకున్న టైంలో.. సడెన్ గా మాయమైపోయాడు. వివాదాల్లో తప్ప సినిమాల్లో కనిపించడం వినిపించడం మానేశాడు. రెండేళ్లుగా అసలు సినిమాలే చేయలేదంటే ఆశ్చర్యం వేయకమానదు.

ఇప్పుడు వేణుమాధవ్ రీ ఎంట్రీ ఖాయమైంది. అది కూడా పవన్ కళ్యాణ్ మూవీ కాటమరాయుడు కావడంతో.. గ్రాండ్ రీఎంట్రీ అనాల్సిందే. పవర్ స్టార్ మూవీలో వేణు మాధవ్ కి చోటు దక్కింది. చెప్పుకోదగ్గ రోల్ నే పోషిస్తున్నాడట కూడా. అయితే.. ఇప్పుడు వివాదాలకు దూరంగా ఉందామని అనుకుంటున్న వేణు మాధవ్.. ఈ విషయాన్ని ప్రెస్ మీట్స్ పెట్టి చెప్పలేదు.

ఓ ఇంటర్వ్యూలో భాగంగా కాటమరాయుడులో నటిస్తున్న విషయాన్ని బయటపెట్టాడు వేణుమాధవ్. తనకు సినిమాలతో వచ్చిన ఈ గ్యాప్ ని భార్యా పిల్లలు.. ఫ్రెండ్స్ తో ఎంజాయ్ చేయడానికి ఉపయోగించుకున్నానని చెప్పాడు వేణు మాధవ్.