మహేష్ పై అభిమానం మామూలుగా లేదుగా!

సూపర్ స్టార్ మహేష్ బాబు ఫాలోయింగ్ ఏ రేంజ్ లో ఉంటుందో అందరికీ తెలిసిందే.  మహేష్ సినిమా రిలీజ్ అవుతోంది అంటే పండగ వాతావరణం నెలకొంటుంది.  ఈసారి 'మహర్షి'  విడుదలకు ముందుగా అలాగే సందడి నెలకొంది.  రెండ్రోజుల్లో 'మహర్షి' థియేటర్లలోకి వస్తుందనగా ఫ్యాన్స్ హంగామా మామూలుగా లేదు.  కొద్దిరోజుల క్రితం మహేష్ అభిమాని ఒకరు 'మహర్షి' టీజర్ కు యానిమేటెడ్ వెర్షన్ ను చేసి అందరినీ ఆశ్చర్య పరిచాడు.  ఆ టీజర్ ఇంటర్నెట్ లో వైరల్ అయింది.  తాజాగా మరో అభిమాని మరో ఇంట్రెస్టింగ్ వీడియోతో సంచనలం సృష్టించాడు.

'మహర్షి' లోని 'నువ్వే సమస్తం'పాటకు రూప్ కుమార్ పాకం అనే అభిమాని స్వయంగా డ్యాన్స్ చేయడమే కాకుండా ఆ వీడియోకు ప్రత్యేకంగా వీఎఫ్ఎక్స్ హంగులు జోడించాడు.  ఈ పాటను 'మహర్షి వీఎఫ్ఎక్స్ ట్రిబ్యూట్ టు సూపర్ స్టార్ మహేష్ బాబు' అనే టైటిల్ తో విడుదల చేశారు.  ఈ పాటలో సింగపూర్ మేడమ్ టుసాడ్స్ లో పెట్టిన మైనపు బొమ్మ ను అలా ఒక టాల్ బిల్డింగ్ పై నిలబెట్టి దాని ముందు డ్యాన్స్ చేయడం లాంటి డిఫరెంట్ షాట్స్ తో మెప్పిస్తున్నాడు. మహర్షి ట్రైలర్ లో ఉండే డైలాగ్ ను కూడా జోడించి ఈ పాట వీడియోను ఆకర్షణీయంగా తయారు చేశాడు. రూప్ తో పాటు గౌతమ్ అనే మరో అబ్బాయి మాత్రమే డ్యాన్స్ చేస్తున్నా.. చుట్టూ చాలామంది డ్యాన్సర్లు ఉన్నట్టుగా వీఎఫ్ఎక్స్ చేయడం విశేషం. అంతే కాదు.. చేతిలో గిటార్ ఉన్నట్టుగా చేసిన వీఎఫ్ఎక్స్ షాట్ కూడా పర్ఫెక్ట్ గా ఉంది.  ఈ వీడియో సోషల్ మీడియాలో  వైరల్ అయింది.

ఈ వీడియో 'మహర్షి' దర్శకుడు 'వంశీ పైడిపల్లిని ఆకట్టుకోవడంతో తన ట్విట్టర్ ఖాతా ద్వారా ఆ వీడియో ను షేర్ చేశాడు.  సూపర్ స్టార్ మహేష్ బాబు కు ఉన్న క్రేజ్ కు ఇది నిదర్శనం అని చెప్తూ.. 'వెరీ వెల్ డన్ రూప్' అంటూ ఆ ఫ్యాన్ ను మెచ్చుకున్నాడు.

Full View