ఎన్టీఆర్ బయోపిక్.. ఎన్టీఆర్ పాత్రలో నందమూరి బాలక్రిష్ణ.. బసవతారకంగా బాలీవుడ్ ఫేమస్ యాక్టర్ విద్యాబాలన్.. ఇంకేముంది సినిమాపై బోలేడు ఆశలు.. నాన్న ఎన్టీఆర్ జీవితగాథను అద్భుతంగా తెరకెక్కించాలని బాలయ్య పట్టుదలతో ఉన్నారు. ఎక్కడా కాంప్రమైజ్ కావడం లేదు. దర్శకుడు తేజా వైదొలిగినా కూడా క్రిష్ ను తీసుకొచ్చి పెట్టాడు. ఆయన బసవతారకం కోసం ఏకంగా బాలీవుడ్ అగ్రహీరోయిన్ విద్యాబాలన్ ను ఎంపికచేశాడు. బాలయ్యే స్వయంగా ఆమె ఇంటికెళ్లి నటించమని ఒప్పించాడు. ఈ మధ్యే విద్యాబాలన్ సినిమా షూటింగ్ లో పాల్గొంది. ఇక హైదరాబాద్ వచ్చిన విద్యాబాలన్ ను బాలయ్య తన ఇంటికి తీసుకెళ్లి మరీ అతిథి సత్కారాలు చేశారు.
అంతా ఓకే.. మరి ఈ ప్రతిష్టాత్మక బసవతారకం పాత్రలో నటిస్తున్నందుకు గాను విద్యాబాలన్ ఎంత తీసుకుందనే ఆసక్తి అందరిలోనూ నెలకొంది. సినిమాలో ఎన్టీఆర్ తర్వాత కీలక పాత్ర బసవతారకందే.. అలాంటి పాత్రలో చేయాలంటే గట్స్ కావాలి. దానికి విద్యాబాలన్ సరైన ఎంపికే.. షూటింగ్ లో కూడా అద్భుత నటనతో అలరిస్తోందట..
తాజాగా అందుతున్న సమాచారం ప్రకారం.. ఎన్టీఆర్ బయోపిక్ లో నటించేందుకు దాదాపు కోటిన్నర డిమాండ్ చేసిందట ఈ బాలీవుడ్ బ్యూటీ. అయితే పాత్రకు ఉన్న డిమాండ్ కావడంతో బాలయ్య - క్రిష్ అంత మొత్తం ఇచ్చేందుకు ఓకే చెప్పారని ఫిలింనగర్ లో ప్రచారం జరుగుతోంది. ప్రస్తుతం టాలీవుడ్ లో అగ్రహీరోయిన్లు తీసుకుంటున్న అత్యధిక మొత్తం కోటి రూపాయలు మాత్రమే. మరి ఈ ఫేమస్ అయ్యి దూరంగా ఉంటున్న బాలీవుడ్ బ్యూటికి అంత మొత్తం ఇస్తున్నారంటే సాహసమని చెప్పాలి. బహుశా హిందీలో డబ్ చేసి అక్కడ విడుదల చేద్దామనే ఆలోచనతోనే ఇంత మొత్తం ఆఫర్ చేసినట్టు తెలుస్తోంది.