మళ్లీ ఆ జంటే కలసి చేస్తున్నారు

హీరో హీరోయిన్స్ మధ్య తెరపై కెమిస్త్రి క్లిక్ అయితే వెంటనే వారి కలయికలో ఓ రెండు మూడు సినిమాలు వస్తూనే ఉంటాయి. ప్రేక్షకులు కూడా ఏ మాత్రం బోర్ గా ఫీల్ అవ్వకుండా కొన్ని జోడిలను చూడటానికి చాలా ఇష్టపడతారు. అయితే ఓ జంట సినిమా సెట్స్ పై ఉండగానే మంచి క్రేజ్ అందుకుంటోంది. ఆ సినిమాలో నటిస్తోన్న హీరో హీరోయిన్ కాంబినేషన్ చాలా బాగా కనెక్ట్ అయ్యిందని ఫిల్మ్ నగర్ లో సినిమా ప్రముఖులు చర్చించుకుంటున్నారు.

వారెవరో కాదు. విజయ్ దేవరకొండ - రష్మిక మందాన. ప్రస్తుతం ఈ జంట గీతా ఆర్ట్స్ ప్రొడక్షన్ లో ఒక సినిమాను చేస్తోన్న సంగతి తెలిసిందే. ఆ సినిమాకు పరశురామ్ దర్శకత్వం వహిస్తున్నాడు. అయితే అల్లు అరవింద్ హీరో హీరోయిన్ కెమిస్ట్రీ గురించి చాలా ఎక్కువగా పొగిడేస్తున్నారట. అయితే ఆ టాక్ వల్లనో ఏమో తెలియదు. కానీ మరోసారి రష్మిక - విజయ్ దేవరకొండ జోడి సెట్ అయ్యింది. త్వరలోనే మరో సినిమాలో నటించడానికి రెడీ అయ్యారు.

కొత్త దర్శకుడు భరత్ కమ్మ.. మైత్రి మూవీ మేకర్స్ ప్రొడక్షన్ లో తెరకెక్కించబోయే ఆ రొమాంటిక్ యాక్షన్ స్టోరీలో విజయ్ కాలేజ్ స్టూడెంట్ గా కనిపించబోతున్నాడు. మరొక స్పెషల్ అప్డేట్ ఏంటంటే..  విజయ్ బాష పూర్తిగా గోదావరి స్లాంగ్ లో ఉంటుందట. రొమాంటిక్ సీన్స్ ని దర్శకుడు చాలా బాగా రాసుకున్నాడని తెలుస్తోంది. ఇక సమ్మర్ లో పట్టాలెక్కబోయే ఈ సినిమాకు తమిళ్ మ్యూజిక్ డైరెక్టర్ జస్టిన్ ప్రభాకర్ సంగీతాన్ని అందించనున్నాడు.