దొరసాని వచ్చేసింది

యూత్ లో పిచ్చ క్రేజ్ ఉన్న విజయ్ దేవరకొండ తమ్ముడు ఆనంద్ దేవరకొండ డెబ్యూ చేస్తున్న దొరసాని మూవీ ఫస్ట్ లుక్ రేపు విడుదల కానుంది. అయితే తుపాకీకి అందిన ఎక్స్క్లూజివ్ పోస్టర్ మీకు ముందుగానే అందిస్తోంది. యాంగ్రీ మ్యాన్ గా పేరున్న సీనియర్ హీరో రాజశేఖర్ జీవిత దంపతుల రెండో కూతురు శివాత్మిక హీరోయిన్ గా పరిచయమవుతున్న ఈ మూవీకి కెవిఆర్ మహేంద్ర దర్శకుడు.

సురేష్ ప్రొడక్షన్స్ తో పాటు మధుర ఎంటర్ టైన్మెంట్ బిగ్ బెన్ సినిమా సంయుక్తంగా నిర్మిస్తున్న దొరసాని పోస్టర్ చూడగానే ఆకట్టుకునేలా ఉంది. రాజు పేద ఫార్ములాను ప్రేమకు అప్లై చేస్తూ గతంలో చాలా సినిమాలు వచ్చాయి కానీ ఇందులో ప్రత్యేకంగా తెలంగాణ బ్యాక్ డ్రాప్ ని ఎంచుకోవడం ప్రత్యేకతను కలిగిస్తోంది

ఇక పోస్టర్ విషయానికి వస్తే శివాత్మిక చాలా ఇన్నోసెంట్ లుక్స్ తో క్యూట్ గా కనిపిస్తోంది. పాత్రకు తగ్గ వయసు పరిణితి ఎక్స్ ప్రెషన్స్ లో చూపిస్తూ మంచి ఫ్యూచర్ ఉందనే సంకేతాన్ని ఇవ్వకనే ఇస్తోంది. జీవిత పోలికలతో పాటు రాజశేఖర్ గ్రేస్ తనకు ఆకర్షణగా మారుతోంది.

ఇక ఆనంద్ దేవరకొండ విషయానికి అన్నయ్య యాటిట్యూడ్ కి స్టైల్ కి పూర్తి భిన్నంగా బాగున్నాడు. కారులో కూర్చున్న దొరసానిని ఓరకంట చూస్తూ తనను వలలో వేసేందుకు పడుతున్న యాతనను కళ్ళతో పలికించిన తీరు బాగుంది. మొత్తానికి ఆనంద్ శివాత్మికల జంట ఫ్రెష్ గా ఫస్ట్ లుక్ ఎగ్జామ్ లో పాస్ అయిపోయింది. త్వరలో విడుదల ప్లాన్ చేసిన దొరసాని మీద యూత్ తో పాటు ప్రేక్షకుల్లోనూ మంచి అంచనాలు ఉన్నాయి