సౌత్ నుంచి ట్రెండ్స్ క్రియేట్ చేస్తున్న విజయ్ దేవరకొండ..!

యంగ్ సెన్సేషన్ విజయ్ దేవరకొండ కు నేషనల్ వైడ్ ఉన్న క్రేజ్ గురించి ప్రత్యేకంగా చెప్పక్కర్లేదు. యూత్‌ లో భారీ ఫాలోయింగ్ సంపాదించుకున్న విజయ్.. డిజిటల్ మూవీ మార్కెటింగ్ ప‌రంగా సౌత్ నుంచి ట్రెండ్స్ క్రియేట్ చేస్తున్నాడు. సోషల్ మీడియాలో విపరీతమైన క్రేజ్ ఉన్న వీడీ ఇన్స్టాగ్రామ్ లో అత్య‌ధిక ఫాలోవ‌ర్స్ ఉన్న సౌత్ హీరోగా నిలిచాడు. ఇన్స్టాలో యువ హీరోని 12.2 మిలియన్ల మంది అనుసరిస్తున్నారు.

అలానే హైదరాబాద్ టైమ్స్ ప్రతిష్టాత్మకంగా రూపొందించిన 'మోస్ట్ డిజైరబుల్ మెన్ 2020' జాబితాలో ఫస్ట్ ప్లేస్‌ లో నిలిచాడు విజయ్ దేవరకొండ. ఇప్పటికే రెండుసార్లు మోస్ట్‌ డిజైరబుల్‌ మ్యాన్‌ గా నిలిచిన విజయ్.. వరుసగా మూడోసారి టైటిల్ సాధించి చరిత్ర సృష్టించాడు. ఈ క్రమంలో ఫస్ట్ పాన్‌ ఇండియా చిత్రం ‘లైగర్‌’ విడుదలకు ముందే VD.. నార్త్ ఆడియన్స్ ని ఆకర్షించాడు.

బాలీవుడ్‌ తారలు సైతం ఎంతో ప్రతిష్ఠాత్మకంగా భావించే ప్రముఖ బాలీవుడ్ సెలబ్రిటీ ఫోటోగ్రాఫర్‌ 'డబూ రత్నాని క్యాలెండర్‌ 2021' విజయ్‌ చోటు సంపాదించాడు. ఈ నేపథ్యంలో డబూ రత్నాని క్యాలెండర్‌ షూట్ కి ఎక్కిన తొలి సౌత్ హీరోగా దేవరకొండ విజయ్ నిలిచాడు. ఇక బాలీవుడ్ స్టార్ ప్రొడ్యూసర్ క‌ర‌ణ్ జోహార్ క‌ళ్ల‌లో ప‌డ్డ తొలి సౌత్ హీరో కూడా వీడే నే అని చెప్పాలి.

పూరీ జగన్నాథ్ దర్శకత్వంలో విజయ్‌ దేవరకొండ నటిస్తున్న పాన్ ఇండియా మూవీ 'లైగర్' కు కరణ్ జోహార్ నిర్మాతగా వ్యవహరిస్తున్నారు. ధర్మ ప్రొడక్షన్స్‌ - పూరి కనెక్ట్స్‌ పతాకాలపై కరణ్‌ జోహార్‌ - పూరీ - చార్మీ కౌర్‌ - అపూర్వ మెహతా - యష్‌ జోహార్‌ ఈ చిత్రాన్ని నిర్మిస్తున్నారు. ఇందులో విజయ్‌ సరసన అనన్య పాండే హీరోయిన్ గా నటిస్తోంది.