ప్యాడ్ మ్యాన్ తో హలో డైరెక్టర్

అఖిల్ ఎన్నో ఆశలు పెట్టుకున్న హలో సినిమా ఫలితం అతనికే కాదు దర్శకుడు విక్రం కుమార్ ను కూడా తీవ్రంగా నిరాశ పరిచింది. నాగార్జున ఏ మాత్రం కాంప్రొమైజ్ కాకుండా బడ్జెట్ పెట్టినా లాభం లేకుండా పోయింది. దెబ్బకు అఖిల్ ఏ దర్శకుడిని నమ్మే పరిస్థితిలో లేకుండా అయ్యాడు. వివి వినాయక్, విక్రం కుమార్ లాంటి నోటెడ్ డైరెక్టర్స్ ఇంత పెద్ద ఫ్లాప్స్ ఇస్తారని తనైనా ఊహించి ఉండడు కదా. మొత్తానికి విక్రం కుమార్ కెరీర్ లో ఇష్క్ నుంచి అసలు పరాజయం లేకుండా సాగుతున్న కెరీర్ కు హలో స్పీడ్ బ్రేకర్ లా మారింది అన్నది నిజం. ఇక తన కొత్త సినిమా ఎవరితో చేస్తాడు అనే దాని గురించి రకరకాల ఊహాగానాలు ఉన్నాయి కాని ఇంకా ఏది ఫైనల్ కాలేదు. నానికి ఒక కథ చెప్పానని, ఆల్మోస్ట్ ఓకే అయ్యిందని ఓ ఇంటర్వ్యూలో విక్రం గతంలోనే చెప్పాడు. కాని నాని కృష్ణార్జున యుద్ధం తర్వాత నాగార్జున మల్టీ స్టారర్ ఆ తర్వాత అవసరాల శ్రీనివాస్ సినిమా ఇలా ముందే క్యులో పెట్టేసుకున్నాడు.

సో విక్రం కుమార్ కు ఇది వెంటనే వర్క్ అవుట్ అయ్యేది కాదు. అందుకే బాలీవుడ్ వైపు లుక్ వేస్తున్నట్టుగా తెలుస్తోంది. ప్యాడ్ మ్యాన్ తో ఇటీవలే బ్లాక్ బస్టర్ హిట్ కొట్టిన అక్షయ్ కుమార్ కు విక్రం ఒక కథ చెప్పాడట. వెంటనే నచ్చిన అక్షయ్ డెవలప్ చేయమని చెప్పడంతో సెట్స్ మీదకు వెళ్ళే అవకాశాలు ఉన్నాయని వినికిడి. సౌత్ దర్శకులతో చేయడాన్ని అక్షయ్ కుమార్ బాగా లైక్ చేస్తాడు. ప్రభుదేవాతో విక్రమార్కుడు రీమేక్ రౌడీ రాథోడ్, మురుగదాస్ తో తుపాకీ రీమేక్ హాలిడే, క్రిష్ తో టాగోర్ రిమేక్ గబ్బర్ ఇలా వరసబెట్టి మంచి హిట్స్ అందుకున్నాడు. సో సెంటిమెంట్ కూడా వర్క్ అవుట్ అయ్యేలా ఫీల్ అయ్యుంటాడు.

కాని దీనికి కొంచెం టైం పట్టేలా ఉంది. ఇంకో ఇద్దరు హీరోలను కూడా లైన్ లో పెట్టిన విక్రం కుమార్ కు ఏది ఫైనల్ కాకపోవడం వల్ల కొత్త ప్రాజెక్ట్ ఆలస్యం అవుతోంది. నాగ చైతన్యకు ఒక సినిమా తీసిపెట్టమని హలో ప్రీ రిలీజ్ లో అడిగిన నాగ్ దాని గురించి మళ్ళి డిస్కషన్ తీసుకురాలేదట. చైతు కూడా సవ్యసాచి, శైలజారెడ్డి గారి అల్లుడు, శివ నిర్వాణ సినిమా ఇలా డైరీ ఖాళీ లేకుండా ఉన్నాడు. సో విక్రం ఎవరితో చేయబోతున్నాడో ప్రస్తుతానికి సస్పెన్స్.