విజయం కోసం విక్రమ్ 'స్కెచ్'

విజయం కోసం విక్రమ్ 'స్కెచ్'చాలా వరకు హీరోలు వారి స్టార్ హోదాను దృష్టిలో ఉంచుకొని సినిమాలను చేస్తారు. కానీ కొందరు మాత్రం పాత్ర కోసం వారి ఇమేజ్ ను మొత్తం పక్కనపెట్టేస్తారు. ప్రయోగం అంటే చాలు పాత్రలో ప్రాణం పెట్టేస్తారు. అటువంటి వారిలో విక్రమ్ ఒకరు. పాత్ర కోసం ప్రాణాన్నే పణంగా పెట్టె ఈ హీరో గురించి ఎంత చెప్పినా తక్కువే. నటన మీద తనకు ఎంత ఇష్టం ఉందొ తన పాత్రల ద్వారానే చెప్పేస్తాడు. అపరిచితుడు ద్వారా తెలుగు ప్రేక్షకులకు బాగా దగ్గరైన విక్రమ్ తమిళ్ లో స్టార్ హీరో.

విక్రమ్ చేసే ప్రతి సినిమాలో ఎదో ఒక కొత్తదనం ఉంటుంది. అయితే గత కొంత కాలంగా ఈ హీరో సరైన విజయాలను అందుకోవడం లేదు. సరైన బాక్స్ ఆఫీస్ హిట్ చూసి చాలా కాలం అయ్యింది. 2015 లో శంకర్ దర్శకత్వంలో వచ్చిన "ఐ" సినిమా సినిమా కోసం ఏ స్థాయిలో కష్టపడ్డాడో తెలిసిన విషయమే కానీ ఆ సినిమా నిరాశనే మిగిల్చింది. రావణ్, వీడింతే, శివతాండవం అన్ని అపజయాన్ని ఇచ్చాయి. 2016లో కూడా విక్రమ్ కి విజయాలు దక్కలేదు.

అయితే ఈ సారి కాస్త కొత్తగా యాక్షన్ ఫిల్మ్ తో రాబోతున్నాడు. విజయ్ చందర్ అనే యువ దర్శకుడితో స్కెచ్ అనే సినిమాను తెరకెక్కిస్తున్నాడు. ఈ సినిమాలో కూడా విక్రమ్ కొత్త లుక్ లో కనిపించబితున్నాడు. ప్రస్తుతం షూటింగ్ పనుల్లో బిజీగా ఉన్న చిత్ర యూనిట్ ఎలాగైనా నవంబర్ వరకు పనులన్నిటినీ పూర్తి చేసుకొని డిసెంబర్ లో రిలీజ్ చేయడానికి సన్నాహకాలు చేస్తోంది. మరి ఈ సినిమాతో అయినా విక్రమ్ విజయం అందుకుంటాడో లేదో చూడాలి.