మిల్కీ అందాలపై విశాల్ జోకులు కేక

కోలీవుడ్ స్టార్ హీరో విశాల్.. మిల్కీ బ్యూటీ తమన్నాలు నటించిన మూవీ కత్తి సాందాయ్. తెలుగులో ఈ చిత్రం ఒక్కడొచ్చాడు అనే టైటిల్ పై రిలీజ్ కానుంది. డిసెంబర్ 23న ఈ చిత్రం రిలీజ్ చేస్తుండగా.. ప్రస్తుతం ఈ మూవీకి సంబంధించిన ప్రమోషన్స్ ఊపందుకున్నాయి. తెలుగు వెర్షన్ ప్రమోషన్స్ కోసం అటు విశాల్-తమన్నాలతో పాటు తెలుగు వెర్షన్ ప్రొడ్యూసర్ కూడా ఇంటర్వ్యూలలో పాల్గొన్నాడు.

సినిమా ఇంటర్వ్యూ సంగతేమో కానీ.. విశాల్-తమ్మూల మధ్య నడిచిన కామెడీనే హైలైట్ అయిపోయింది. అందులో తమన్నా స్కిన్ కలర్ పైనే ఎక్కువ జోకులు పేలాయి 'సాధారణంగా వైట్ బ్యాలన్స్ కోసం థర్మోకోల్ యూజ్ చేస్తారు. కానీ తమన్నాను బ్యాలెన్స్ చేసుకుంటే చాలు' అంటూ తమ్మూ మిల్కీ స్కిన్ టోన్ గురించి ఓ రేంజ్ లో పొగిడాడు విశాల్. అంతే కాదు.. తమిద్దరి కాంబినేషన్ ప్రకారం.. ఆమె మిల్కీ.. తాను నల్లగా ఉంటాను కాబట్టి.. ఈ సినిమాకు కాపుచ్చీనో అని టైటిల్ పెట్టాల్సింది అంటూ టచ్ ఇచ్చాడు విశాల్.

ఒక్కడొచ్చాడు సినిమాలో కూడా 'నల్లన తెల్లన' అంటూ సాగే పాట కూడా ఉన్న సంగతి తెలిసిందే. కత్తిసాందాయ్ లో జగపతిబాబు కూడా కీలక పాత్ర పోషించడంతో.. టాలీవుడ్ లో కూడా ఎక్స్ పెక్టేషన్స్ హై రేంజ్ లో ఉన్నాయి.

Like Us on Facebook : https://www.facebook.com/Tupakidotcom/