సూర్య సైడిచ్చాడు.. విశాల్ దూకేశాడు

ఒక పెద్ద సినిమా రిలీజ్ డేట్ మారుస్తూ పోతే ఎన్ని రకాల ఇబ్బందులు ఉంటాయో చెప్పడానికి సూర్య మూవీ ‘ఎస్-3’నే నిదర్శనం. ఇది ద్విభాషా చిత్రం. పైగా సూర్య హీరో. అందులోనూ సినిమాపై భారీ అంచనాలున్నాయి. దీంతో ఆ సినిమా విడుదలను బట్టి మిగతా సినిమాల రిలీజ్‌లు డిసైడై ఉన్నాయి. ఐతే మళ్లీ మళ్లీ ఈ సినిమా విడుదల తేదీని మారుస్తుండటంతో రెండు భాషల్లోనూ షెడ్యూళ్లు డిస్టర్బ్ అవుతున్నాయి. 16 నుంచి 23కి వాయిదా పడ్డప్పుడు రెండు భాషల్లో కలిపి ఐదారు సినిమాల రిలీజ్ డేట్లు మార్చుకోవాల్సి వచ్చింది. ఇప్పుడు 23న నుంచి మళ్లీ వాయిదా అనడంతో అదే అయోమయ పరిస్థితి తలెత్తుతోంది.

సూర్య సినిమా ఎప్పుడొస్తుంది అన్నదాన్ని బట్టి తర్వాతి వారాల్లో రాబోయే సినిమాల షెడ్యూళ్లు కిందా మీదా అవడం ఖాయం. ఐతే 16న ‘ఎస్-3’ ఖాళీ చేయడంతో రెండు చిన్న సినిమాలు ఆ ఖాళీని భర్తీ చేసినట్లే.. ఇప్పుడు 23వ తేదీని ఆక్యుపై చేయడానికి ఓ సినిమా వచ్చేసింది. అదే.. ఒక్కడొచ్చాడు. తమిళంలో ‘కత్తి సండై’ పేరుతో తెరకెక్కిన ఈ చిత్రాన్ని 23న విడుదల చేస్తున్నట్లు హీరో కమ్ ప్రొడ్యూసర్ విశాల్ ప్రకటించాడు. ఈ చిత్రం దీపావళికే రావాల్సింది. కానీ కొన్ని కారణాల వల్ల వాయిదా పడుతూ వచ్చింది. చివరికి సంక్రాంతికి భారీ సినిమాల మధ్య పోటీకి రెడీ అవుతున్న తరుణంలో.. ‘ఎస్-3’ వాయిదా పడటం కలిసొచ్చింది. ఐతే తెలుగులో ఈ చిత్రానికి వంగవీటి - సప్తగిరి ఎక్స్‌ప్రెస్ సినిమాల నుంచి పోటీ ఉంటుంది.

Like Us on Facebook : https://www.facebook.com/Tupakidotcom/