మొండి క‌త్తితో బ‌రిలో దిగి క్లాస్ అంటావేంటి దాసూ?

ఫ‌ల‌క్ నుమా దాస్ గురించి ప‌రిచ‌యం అవ‌స‌రం లేదు. దాసు ప‌క్కా మాసు. ఓన్లీ ఆ ఏరియాకే కాదు హైదరాబాద్ లో అన్నిచోట్లా అత‌డంటే హ‌డ‌ల్. అదంతా స‌రే కానీ హీరోగా న‌టించిన తొలి సినిమాతోనే త‌న‌దైన ప్ర‌త్యేక‌త చాటుకున్న దాసు అలియాస్ విశ్వ‌క్ సేన్ ప్ర‌స్తుతం ఏం చేస్తున్నాడు? అంటే.. ఇదిగో ఇలా క్లాస్ గా మాసిజం ప్ర‌ద‌ర్శిస్తున్నాడు.

సూటు బూటు తొడిగిన దాసు స్టైల్ గా క‌నిపిస్తూనే అలా మొండి క‌త్తి ప‌ట్టుకుని కెమెరాల‌కు ఫోజులిచ్చాడు. ఒక ర‌కంగా క‌న్ఫ్యూజ్ చేస్తున్నాడు. దీనికి ``క్లాస్ గా మీ మాస్ కా దాస్`` అంటూ క్యాప్ష‌న్ ని ఇచ్చాడు. దాసు ఇస్మార్ట్ బోయ్ నే త‌ల‌పిస్తున్నాడు. ఇంత‌కుముందు హిట్ అనే సినిమాతో హిట్టు కొట్టాడు. మునుముందు అలాంటి మ‌రిన్ని హిట్లు కొట్టేందుకు లైన్ క్లియ‌ర్ చేస్కుంటున్నాడు.

విశ్వ‌క్ సేన్ న‌టించిన తాజా చిత్రం `పాగ‌ల్`పై ఆస‌క్తి నెల‌కొంది. సెకండ్ వేవ్ లేక‌పోతే ఈ పాటికే ఈ చిత్రం రిలీజ‌య్యేది. కానీ ఆల‌స్య‌మ‌వుతోంది. ఆ క్ర‌మంలోనే పాగ‌ల్ ని ఓటీటీకి విక్ర‌యించార‌ని త్వ‌ర‌లోనే స్ట్రీమింగ్ అయిపోతోంద‌ని ప్ర‌చార‌మైంది. అయితే ఈ ప్రచారంలో ఎలాంటి నిజం లేద‌ని విశ్వ‌క్ సేన్ వెల్ల‌డించారు. పాగ‌ల్ థియేట్రిక‌ల్ రిలీజ్ కోసం  వేచి చూస్తోంద‌ని వెల్ల‌డైంది. ఇప్ప‌టికే ఈ సినిమాపై ఓ వర్గం ప్రేక్షకుల్లో అంచనాలు గట్టిగానే ఉన్నాయి. ఇటీవ‌ల‌ విడుద‌లైన పాట హైప్ క్రియేట్ చేసింది. విశ్వ‌క్ మ‌రో వైవిధ్య‌మైన చిత్రంతో ఆక‌ట్టుకుంటాడ‌నే న‌మ్మ‌కం అభిమానుల్లో వ్య‌క్త‌మైంది. దిల్ రాజు ఈ చిత్రాన్ని నిర్మిస్తున్న సంగ‌తి తెలిసిందే. గామి అనే మ‌రో చిత్రంలోనూ విశ్వ‌క్ న‌టిస్తున్నాడు