త‌ళా ఊర‌మాసు తంబీ అవ‌తార్

త‌ళా అజిత్ లేట్ ఏజ్‌లోనూ జోరు పెంచుతున్న తీరు చూస్తుంటే ముచ్చ‌టేయ‌కుండా ఉండ‌దు. వ‌రుస‌గా ఒక‌దాని వెంట ఒక‌టిగా సినిమాల‌తో అద‌ర‌గొట్టేస్తున్నాడు. ముఖ్యంగా మారిన గెట‌ప్‌ తో బోలెడంత మ్యాజిక్ చేస్తున్నాడు. ఆ పండిన తల‌క‌ట్టు..నెరిసిన గెడ్డం.. పంచెక‌ట్టుతో త‌ళా స్టైలే వేర‌బ్బా! అనేంత‌గా నేచుర‌ల్ గెట‌ప్‌తో కొత్త ట్రెండ్‌ ని క్రియేట్ చేశాడు. ఇప్ప‌టికే మ‌న తెలుగు వాడైన `ద‌రువు` శివ ద‌ర్శ‌క‌త్వంలో హ్యాట్రిక్ హిట్లు కొట్టాడు. అత‌డి నిర్ధేశ‌నంలోనే ప్ర‌స్తుతం `విశ్వాసం` అనే భారీ మాస్‌ చిత్రంలో న‌టిస్తున్నాడు. ఈ సినిమా సంక్రాంతి బ‌రిలో రిలీజ్‌ కి రెడీ అవుతోంది.

ఇప్ప‌టికే ఫ‌స్ట్ లుక్ పోస్ట‌ర్ కి అభిమానుల్లో అద్భుత‌మైన స్పంద‌న వ‌చ్చింది. తాజాగా విశ్వాసం మోష‌న్ పోస్ట‌ర్‌ ని విడుద‌ల చేశారు. ఈ పోస్ట‌ర్‌ తోనే అజిత్‌ లోని ఈజ్ ఎంతో అర్థ‌మ‌వుతోంది. మ‌రోసారి ఈ కాంబినేష‌న్ నుంచి అదిరిపోయే మాస్ ట్రీట్ అభిమానుల‌కు అంద‌నుంద‌ని పోస్ట‌ర్ చెబుతోంది.

తాజా లుక్ లో తూకు తుర‌ణ హ‌డావుడి అంటూ అదిరే ట్రీటిచ్చాడు. ఎర్ర చొక్కాయ్.. తెల్ల నెక్ బ‌నియ‌న్.. గాల్లో ఎగిరొచ్చిన రూ.100 క‌ళ్ల‌జోడు .. అజిత్ ఊర మాస్ లుక్ అద‌ర‌హో.  మరోసారి తెల్ల‌ పంచెక‌ట్టు.. కోర మీసంతో .. పండిన త‌ల‌క‌ట్టుతో యాక్ష‌న్ రాజాలా క‌నిపిస్తున్నాడు. శివ మ‌రోసారి త‌న అభిమాన హీరోని క‌మ‌ర్షియ‌ల్ హీరోగానే చూపిస్తున్నాడు. తాజాగా లాంచ్ చేసిన మోష‌న్ పోస్ట‌ర్‌ కి ఇమాన్ సంగీతం అదిరిపోయింది. స‌త్య‌జ్యోతి ఫిలింస్ స‌మ‌ర్ప‌ణ‌లో ఈ చిత్రం తెర‌కెక్కింది.



Full View