సుకుమార్ దర్శకత్వంలో రామ్ చరణ్ కథానాయకుడిగా నటిస్తున్న ‘రంగస్థలం’ చిత్రీకరణ పూర్తి కావస్తోంది. ఈ చిత్ర చివరి షెడ్యూల్ జనవరి మధ్యకల్లా పూర్తవుతుందని అంటున్నారు. ఆ తర్వాత బోయపాటి శ్రీను దర్శకత్వంలో ఓ సినిమా చేయడానికి రామ్ చరణ్ అంగీకరించిన సంగతి తెలిసిందే. ఈ చిత్రం జనవరి నెలాఖర్లో లేదా ఫిబ్రవరిలో సెట్స్ మీదికి వెళ్లే అవకాశముంది. ప్రస్తుతం స్క్రిప్టు పనులు చివరి దశలో ఉండగా.. నటీనటుల ఎంపిక కూడా జరుగుతోంది. ఈ చిత్రంలో ఓ బాలీవుడ్ నటుడు విలన్ పాత్ర పోషిస్తాడని సమాచారం. ఆ నటుడు మరెవరో కాదు.. ‘రక్తచరిత్ర’లో పరిటాల రవి పాత్రతో తెలుగు ప్రేక్షకుల మనసు దోచిన వివేక్ ఒబెరాయ్.
‘రక్తచరిత్ర’ తర్వాత తెలుగుతో రెండు మూడు మంచి అవకాశాలు వచ్చినా వివేక్ నటించలేదు. ‘ఖైదీ నంబర్ 150’లో అతనే విలన్ అన్నారు. కానీ అది నిజం కాలేదు. అతను ఈ మధ్యే తమిళంలో అజిత్ సినిమా ‘వివేగం’లో విలన్ పాత్ర పోషించాడు. విలన్ పాత్రల్ని చాలా వయొలెంట్ గా చూపిస్తాడు బోయపాటి. మరి వివేక్ ఎలా కనిపిస్తాడో చూడాలి. ఈ చిత్రంలో శివగామి రమ్యకృష్ణ కూడా ఓ కీలక పాత్ర పోషిస్తుందని సమాచారం. ఇప్పటికే పవన్ కళ్యాణ్.. అల్లు అర్జున్ ల సరసన నటించిన అను ఇమ్మాన్యుయెల్ ఇందులో హీరోయిన్ పాత్ర పోషిస్తుందని ప్రచారం జరుగుతోంది. ఈ చిత్రాన్ని డీవీవీ దానయ్య నిర్మించబోతున్నాడు. ఈ సినిమా ముగించాక రాజమౌళి దర్శకత్వంలో ఎన్టీఆర్ కాంబినేషన్లో మల్టీస్టారర్ చేయబోతున్నాడు చరణ్.
‘రక్తచరిత్ర’ తర్వాత తెలుగుతో రెండు మూడు మంచి అవకాశాలు వచ్చినా వివేక్ నటించలేదు. ‘ఖైదీ నంబర్ 150’లో అతనే విలన్ అన్నారు. కానీ అది నిజం కాలేదు. అతను ఈ మధ్యే తమిళంలో అజిత్ సినిమా ‘వివేగం’లో విలన్ పాత్ర పోషించాడు. విలన్ పాత్రల్ని చాలా వయొలెంట్ గా చూపిస్తాడు బోయపాటి. మరి వివేక్ ఎలా కనిపిస్తాడో చూడాలి. ఈ చిత్రంలో శివగామి రమ్యకృష్ణ కూడా ఓ కీలక పాత్ర పోషిస్తుందని సమాచారం. ఇప్పటికే పవన్ కళ్యాణ్.. అల్లు అర్జున్ ల సరసన నటించిన అను ఇమ్మాన్యుయెల్ ఇందులో హీరోయిన్ పాత్ర పోషిస్తుందని ప్రచారం జరుగుతోంది. ఈ చిత్రాన్ని డీవీవీ దానయ్య నిర్మించబోతున్నాడు. ఈ సినిమా ముగించాక రాజమౌళి దర్శకత్వంలో ఎన్టీఆర్ కాంబినేషన్లో మల్టీస్టారర్ చేయబోతున్నాడు చరణ్.