లైగ‌ర్ .. పోదాం కొట్లాడుదాం.. వాట్ ల‌గా దేంగే

విజయ్ దేవరకొండ న‌టించిన లైగ‌ర్ ఆగ‌స్టు 25న ప్ర‌పంచ‌వ్యాప్తంగా విడుద‌ల‌వుతున్న సంగ‌తి తెలిసిందే. తెలుగు-త‌మిళం-హిందీలో ఈ చిత్రం అత్యంత భారీగా విడుద‌ల కానుంది. ఇప్ప‌టికే టీమ్ ప్ర‌చారంలో దూకుడు పెంచింది. టీజ‌ర్ సాంగ్స్ తో ప్ర‌చారంలో హైప్ క‌నిపిస్తోంది. తాజాగా లైగ‌ర్ నుంచి `వాట్ లగా డేంగే` అంటూ సాగే మాస్ పాటను టీమ్ విడుద‌ల చేసింది.

సాంగ్ ఆద్యంతం పూరి మార్క్ మాసిజం క‌నిపించింది. కిక్ బాక్స‌ర్ గా మిక్స్ డ్ మార్ష‌ల్ ఆర్ట్స్ స్పెష‌లిస్టుగా క‌నిపిస్తున్న దేవ‌ర‌కొండ ఇండియా కోసం ఎంతకైనా తెగిస్తాడ‌నే సందేశం ఈ సాంగ్ లో ఇమిడి ఉంది.  ఫైట‌ర్ గా ప్ర‌త్య‌ర్థుల‌పై అత‌డు చెల‌రేగిపోతున్నాడు. త‌న కొడుకు గెలుపు కోసం స‌హ‌క‌రించే త‌ల్లిగా సీనియ‌ర్ న‌టి ర‌మ్య‌కృష్ణ‌ న‌టించారు.

ఈ చిత్రంలో విజయ్ దేవరకొండ మాట స‌రిగా రాని న‌త్తి వాడిగా MMA ఫైటర్ గా క‌నిపిస్తాడు. వ్యక్తిగత జీవితంలో అనేక సవాళ్లను ఎదుర్కొని ఫైట‌ర్ గా ఎదిగేందుకు ఏం చేశాడ‌న్న‌దే ఈ సినిమా క‌థాంశం. అనన్య పాండే ఇందులో క‌థానాయిక‌. రోనిత్ రాయ్- మకరంద్ దేశ్‌పాండే త‌దిత‌రులు ఇత‌ర‌ కీలక పాత్రలు పోషించారు. లెజెండరీ బాక్సర్ మైక్ టైసన్ ఈ చిత్రంలో అతిధి పాత్రలో కనిపించనున్నాడు. లైగర్ .. స్పోర్ట్స్ డ్రామా క‌థాంశంతో తెర‌కెక్కింది. పూరి జగన్నాధ్ రచన  దర్శకత్వం వహించారు. ఆగస్ట్ 25న థియేటర్లలో విడుదల కానుంది.

లైగర్ తర్వాత ఏంటి?

లైగ‌ర్ త‌ర్వాత దేవ‌ర‌కొండ‌ ఒక రొమాంటిక్ కామెడీలో న‌టిస్తున్నాడు. ఇందులో స‌మంత క‌థానాయిక‌. ఈ మూవీని డిసెంబర్ 23న విడుద‌ల చేయ‌నున్నారు. అలాగే పూరి జగన్నాధ్ ద‌ర్శ‌క‌త్వంలోనే జ‌న‌గ‌ణ‌మ‌న (JGM) చిత్రంలోనూ న‌టించ‌నున్నాడు .ఈ చిత్రంలో పూజా హెగ్డే కథానాయికగా నటించ‌నుంది.