నానీని కౌగిలించుకున్న షాడో ఎవ‌రో తెలుసా?

శ్యామ్ సింఘరాయ్ ఫస్ట్ లుక్ పోస్టర్ రిలీజైంది మొద‌లు దీనిపై క్యూరియాసిటీ నెల‌కొంది. ప్ర‌జ‌ల్లో ఆస‌క్తిక‌ర చ‌ర్చ సాగుతోంది. నాటి క్లాసిక్ డేస్ ని ఎలివేట్ చేస్తూ శోభ‌న్ బాబులా త‌ల‌క‌ట్టు రింగులు తిప్పిన నానీ.. అత‌డిని కౌగిలించుకున్న మెహందీ అమ్మాయి.. ఎంతో క్యూరియాసిటీకి కార‌ణ‌మ‌య్యారు. ఈ పోస్టర్ లో నానీ మునుపెన్న‌డూ క‌నిపించ‌నంత కొత్త‌గా క‌నిపిస్తుంటే.. త‌న వెన‌క షాడో ఎవ‌రు? అన్న‌ది స‌స్పెన్స్ గా మిగిలింది.

ఇంత‌కీ ఆ షాడో ఎవ‌రు? నానిని వెనుక నుండి కౌగిలించుకున్న నటి ముఖాన్ని రహస్యంగా ఉంచడానికి కార‌ణ‌మేమిటి? ఏదేమైనా ఈ ఎత్తుగ‌డ క్యూరియాసిటీ పెంచింది.  ఇంత‌కీ ఎవ‌రా నాయిక‌..? అని ఆరా తీస్తే ట్యాలెంటెడ్ సాయి పల్లవి అని తెలిసింది. సింపుల్ గా సాంప్రదాయబ‌ద్ధ‌మైన‌ దుస్తులను ధరించి.. చేతికి పెద్ద గాజులు ధ‌రించింది. మెహెంది లుక్ ఆక‌ట్టుకుంది. సాయి పల్లవి ఈ చిత్రంలో బెంగాలీ అమ్మాయినే త‌ల‌పిస్తోంది.

ఇందులో క్లాసిక్ గెట‌ప్పులే కాదు.. క‌థ కూడా అంతే ఇంట్రెస్టింగ్ గా ఉండ‌నుంద‌ని తెలిసింది. మేకర్స్ ఫస్ట్ లుక్ ‌తోనే ఇదంతా అర్థ‌మ‌య్యేలా చెప్పారు. ఈ పోస్టర్ బెంగాల్ కాలాన్ని ఎలివేట్ చేసేలా ప్రింటింగ్ ప్రెస్.. టైప్ రైటర్ రిక్షా నేపథ్యం సెట్ చేశారు. అవ‌న్నీ ప్ర‌త్యేక ఆక‌ర్ష‌ణ‌గా నిలిచాయి. ఈ చిత్రంలో నాని స‌ర‌స‌న ఉప్పెన ఫేమ్ కృతి శెట్టి కూడా ఒక నాయిక‌గా న‌టించ‌నుంది. మడోన్నా సెబాస్టియన్ మ‌రో కథానాయిక. మిక్కీ జె మేయర్ సంగీతం అందిస్తున్నారు. ప్రస్తుతం కోల్ కతా లో చిత్రీక‌ర‌ణ‌ జరుగుతోంది. మునుముందు మ‌రింత ప్ర‌మోష‌న‌ల్ మెటీరియ‌ల్ తో అద‌ర‌గొ‌ట్ట‌నున్నార‌ట‌.