ఆదిపురుష్ 3డిలో ల‌క్ష్మ‌ణుడు పాత్ర‌ధారి ఎవ‌రు?

డార్లింగ్ ప్ర‌భాస్ బ్యాక్ టు బ్యాక్ ప్రాజెక్టుల‌తో స్పీడ్ పెంచేశాడు. ఇప్ప‌టికే నాగ్ అశ్విన్ తో పాన్ వ‌ర‌ల్డ్ సినిమాని ప్ర‌క‌టించి.. ఆ వెంట‌నే తానాజీ ద‌ర్శ‌కుడు ఓంరౌత్ ప్రాజెక్టును ఖాయం చేసుకున్నాడు. ఓంరౌత్ తో ఆదిపురుష్ 3డి అంటూ టైటిల్ ప్ర‌క‌టించేసి షాకిచ్చాడు. జ‌న‌వ‌రి నుంచి సెట్స్ కి వెళ్లిపోతున్నారు

ఇక ఈ చిత్రంలో ఏ పాత్ర‌కు ఎవ‌రిని ఎంపిక చేశారు? అన్న‌దానిపైనా ఇప్ప‌టికే ర‌క‌ర‌కాల లీకులు అందాయి. ఇది భార‌తీయ‌ పురాణేతిహాసం రామాయ‌ణం ఆధారంగా రూపొందుతున్న సినిమా. శ్రీ‌రాముడిగా ప్ర‌భాస్ న‌టిస్తుండ‌గా రావ‌ణాసురుడిగా సైఫ్ అలీఖాన్ న‌టిస్తారు. ఇవ‌న్నీ ఫిక్ష‌న‌ల్ క్యారెక్ట‌ర్స్ అని ఓంరౌత్ వెల్ల‌డించారు.

అయితే ఇందులో సీత ఎవ‌రు? ల‌క్ష్మ‌ణుడు ఎవ‌రు? అంటూ ఆస‌క్తిక‌ర చ‌ర్చ సాగుతోంది. సీత పాత్ర‌ధారిని ఇంకా ఓంరౌత్ లీక్ చేయ‌లేదు కానీ.. ల‌క్ష్మ‌ణుడి పాత్ర మాత్రం రివీలైంది. `సోను కె టిటు కి స్వీటీ` ఫేం స‌న్నీ సింగ్ ఆ పాత్ర‌కు ఎంపిక‌య్యార‌న్న గుస‌గుస‌లు వినిపిస్తున్నాయి. అంటే శ్రీ‌రాముడిగా ప్ర‌భాస్ క‌నిపిస్తే సోద‌రుడు ల‌క్ష్మ‌ణుడిగా స‌న్నీ సింగ్ క‌నిపిస్తార‌న్న‌మాట‌. హిందీ చిత్ర‌సీమ‌లో స‌న్నీసింగ్ మంచి న‌టుడు అన్న గుర్తింపు ఉంది. ప్ర‌భాస్ - స‌న్నీ సోద‌రులుగా క‌నిపిస్తే అది హిందీ బెల్టుకి మంచి క‌నెక్టివిటీ ఎలిమెంట్. అందుకే రౌత్ అలా ప్లాన్ చేశార‌నుకోవ‌చ్చు.