బిగ్ బాస్ టాప్ ఫైవ్ ఎవరంటే... ?

బిగ్ బాస్ సీజన్ ఫైవ్ కి మంచి ఆదరణ ఉంది. టీయార్పీ రేటింగ్ లోనూ దుమ్ము దులుపుతోంది. కాన్సెప్ట్ పాతది, అలవాటు అయిపోయింది, ఇక గేమ్స్ లో ఎలాంటి ట్విస్టులూ లేవు, కంటెస్టంట్లు కూడా పెద్దగా తెలిసిన ఫేసులు కావు. అయినా సరే బిగ్ బాస్ సీజన్ ఫైవ్ మాత్రం అదరగొడుతోంది. లేట్ నైట్ లో ప్రసారం చేస్తున్నా కూడా స్పందన బాగానే ఉంటోంది. మొత్తానికి ఈ సీజన్ సగం పైగా గడచిపోయింది. డిసెంబర్ 20 నాటికి బిగ్ బాస్ సీజన్ ఫైవ్ పూర్తి అవుతుంది. విజేత ఎవరో తెలిసిపోతుంది. ఇపుడు మాత్రం అందరి దృష్టి టాప్ ఫైవ్ మీద ఉంది. లేటెస్ట్ గా కండల వీరుడు విశ్వ కూడా బయటకు వచ్చాక టాప్ ఫైవ్ లెక్కలు మరీ ఎక్కువ అయ్యాయి.

ఎవరు టాప్ ఫైవ్ లో ఉంటారు అన్న దాని మీద చర్చ హాట్ హాట్ గా సాగుతోంది. బిగ్ బాస్ లో ప్రస్తుతం ఉన్న అంచనాల మేరకు చూస్తే ఆనీ మాస్టర్, ప్రియాంక, జశ్వంత్ తప్ప మిగిలిన వారంతా స్ట్రాంగ్ అంటున్నారు. ఈ ముగ్గురూ ఎలిమినేట్ అయితే కచ్చితంగా లిస్ట్ లో ఏడుగురు మిగులుతారు. వారిలో టాప్ ఫైవ్ లోకి ఎవరు వెళ్తారు, ఎవరు ఇంటికి వెళ్తారు అన్నదే డిస్కషన్.

సింగర్ శ్రీరామ్, సన్నీ, షణ్ముఖ్, సిరి తో పాటు మానస్ టాప్ ఫైవ్ లో ఉంటారని అంటున్నారు. మరో వైపు చూస్తే రవి కాజల్ కూడా వీరికి టఫ్ ఫైట్ ఇస్తారని, దాంతో ఈసారి టాప్ ఫైవ్ అన్నది ఊహలకు అందని విషయమే అవుతుంది అంటున్నారు. మొత్తానికి చూస్తే మరో నాలుగు వారాలు ఉండగానే టాప్ ఫైవ్ మీద పందేలు యమ జోరుగా సాగుతున్నాయి. సోషల్ మీడియాలో కూడా కంటెస్టెంట్ల ఫాలోవర్స్ సైతం తెగ కొట్టేసుకుంటున్నారు. టాప్ ఫైవ్ కే ఇంత రచ్చ అయితే బిగ్ బాస్ సీజన్ ఫైవ్ విజేత ఎవరో తేలాలంటే బుర్రలు బద్ధలు కొట్టుకోవాల్సిందేనేమో.