కథ లేకుండానే చిరుని సినిమాకు ఒప్పించాడట..!

మెగాస్టార్ చిరంజీవికి కథ చెప్పించి ఒప్పించడం అన్నది అంత ఆషామాషీ విషయం కాదు. 150 సినిమాల అనుభవం ఉన్న ఆయన ఒక కథ వినగానే ఆ సినిమా హిట్ అవుతుందా లేదా అని ఇట్టే చెప్పగలరు. డైరెక్టర్, హీరోకి ఎంత క్యాలిబర్ ఉన్నా కథలో దమ్ము లేకపోతే వేస్ట్ అని చిరు నమ్మకం. అందుకే ఆయన కూడా అలాంటి డమ్మీ కథలతో చేదు అనుభవాలు పొందిన సంగతి తెలిసిందే. అందుకే చిరు సినిమా అంటే కథ ఏంటి అని అంటుంటారు కానీ వాల్తేరు వీరయ్య డైరక్టర్ జస్ట్ ఒక లైన్ చెప్పి సినిమా ఓకే చేసుకున్నాడట.

మెగా అభిమాని అయిన బాబీ చిరుతో సినిమా అనగానే తన దగ్గర ఉన్న లైన్ చెప్పాడట. కేవలం క్యారెక్టరైజేషన్ చెప్పి సినిమా ఓకే చేయించారట. ఫస్ట్ హాఫ్ వరకు స్టోరీ చెప్పగా ఇందులో కథ ఏది అని అన్నారట చిరంజీవి. అయితే కొద్దిగా గ్యాప్ తీసుకుని రవితేజ పాత్రని జోడించి ఫైనల్ గా ఫుల్ స్క్రిప్ట్ వినిపించారట. అలా చిరు వాల్తేరు వీరయ్య కథ సిద్ధం చేశాడట బాబీ. స్వతహాగా రైటర్ అవడం వల్ల సినిమాని ఎలా తీసుకెళ్తే బాగుంటుంది అన్నది తనకు ఒక ఐడియా ఉంటుంది. ఆ ఆలోచనే చిరుకి నచ్చి సినిమా ఓకే చేశారట.

ఇక నిన్న జరిగిన ప్రెస్ మీట్ లో కూడా చిరంజీవి వాల్తేరు వీరయ్య రొటీన్ స్టోరీనే అని చెప్పడం విశేషం. కథ రొటీన్ గానే అనిపించినా సినిమాలో సీన్స్, ఎమోషన్స్ చాలా బాగుంటాయని అన్నారు. అంతేకాదు ఫ్లోలో రవితేజ పాత్ర సెకండ్ హాఫ్ లో వస్తుందని కూడా లీక్ చేసేశారు. చిరు ఈ లీకుల వల్ల సినిమా మీద ఉన్న కాస్త కూస్తో ఇంప్యాక్ట్ దెబ్బ తింటుంది.

ఇక ఈ సినిమాకు దేవి శ్రీ ప్రసాద్ మ్యూజిక్ కూడా నెక్స్ట్ లెవల్ లో ఉంటుందని అంటున్నారు. ఇప్పటికే సినిమా నుంచి వచ్చిన 3 సాంగ్స్ అంచనాలు పెంచగా మిగతా సాంగ్స్ కూడా అదరగొడతాయని అంటున్నారు. శృతి హాసన్ హీరోయిన్ గా నటించిన వాల్తేరు వీరయ్య సినిమాలో బాలీవుడ్ భామ ఊర్వశి రౌతెలా స్పెషల్ సాంగ్ లో కనిపించింది. బాస్ పార్టీ సాంగ్ లో చిరుతో కలిసి స్టెప్పులేసింది ఊర్వశి రౌతెల.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.