ఆ స్టార్ హీరోకి డైరెక్ట‌ర్ రాసిన ప్రేమ‌లేఖ!
బాలీవుడ్ కి షారుక్ రూపంలో మ‌రోసారి భారీ విజ‌యం అందించిన చిత్రంగా నిలిచింది. అట్లీ స‌క్సెస్ ట్రాక్ చూసి షారుక్ అవ‌కాశం ఇచ్చారు.
షారుక్ ఖాన్ -అట్లీ కాంబినేష‌న్ లో రిలీజ్ అయిన 'జ‌వాన్' పాన్ ఇండియా వైడ్ ఎంత పెద్ద విజ‌యం సాధించిందో తెలిసిందే. బాక్సాఫీస్ వ‌ద్ద 700 కోట్ల‌కు పైగా వ‌సూళ్ల‌ని సాధించింది. 300 కోట్ల బ‌డ్జెట్ తో షారుక్ స్వ‌యంగా నిర్మించారు. 'ప‌ఠాన్' త‌ర్వాత షారుక్ ఖాతాలో న‌మోదైన భారీ స‌క్సెస్. బాలీవుడ్ కి షారుక్ రూపంలో మ‌రోసారి భారీ విజ‌యం అందించిన చిత్రంగా నిలిచింది. అట్లీ స‌క్సెస్ ట్రాక్ చూసి షారుక్ అవ‌కాశం ఇచ్చారు.
ఆ న‌మ్మ‌కాన్ని అట్లీ విజ‌యం అందించి నిల‌బెట్టుకున్నాడు. తాజాగా ఈ సినిమా విజయోత్స‌వం ముంబైలో ఘ‌నంగా జ‌రిగింది. ఈ సంద‌ర్భంగా అట్లీ విజ‌యాన్ని ఉద్దేశించి ఆస‌క్తిక‌ర వ్యాఖ్య‌లు చేసారు. కోవిడ్ స‌మ‌యంలో ఈ క‌థ వినిపించాను. అప్ప‌టి ప‌రిస్థితులు ఎలా ఉండేవో అంద‌రికీ తెలుసు. థియేట‌ర్ల కు ప్రేక్ష‌కులు వ‌స్తారా? అనిపించింది. అలాంటి స‌మ‌యంలో న‌న్ను న‌మ్మి 40 కోట్లు పెట్టి సినిమా చేసే నిర్మాత‌లు ఎవ‌రుంటారు? అనుకున్నాను.
ఒక నిర్మాత ఆలోచ‌న ఎలా ఉంటుందో నాకు తెలుసు. కానీ ఆ స‌మ‌యంలో షారుక్ నాపై న‌మ్మ‌కంతో 300 కోట్లు పెట్టారు. సినిమా పూర్త‌య్యే స‌రికి ఆ బ‌డ్జెట్ చాలా పెరిగింది. ఆయ‌న మాత్రం ఎక్క‌డా రాజీ ప‌డ‌లేదు. ప్రేక్ష‌కులు మాకు గొప్ప విజ‌యాన్ని అందించారు. ఈ సినిమా విజ‌యం షారుక్ కి నేను రాసిన ప్రేమ‌లేఖ‌గా భావిస్తా' అని అన్నారు. ఈవేడుక‌లో న‌య‌న‌తార మిన‌హా మిగ‌తా న‌టీన‌టులంతా పాల్గొన్నారు.
సినిమా ప్రచారానికి న‌య‌న‌తార హాజ‌రు కాని సంగ‌తి తెలిసిందే. ఎంత పెద్ద హీరో సినిమా అయినా స‌రే న‌య‌న్ ప్రచారానికి నై అంటుంది. గతంలో మెగాస్టార్ చిరంజీవి న‌టించిన 'సైరా న‌ర‌సింహారెడ్డి' సినిమా ప్రచారానికి హాజ‌రు కాని సంగ‌తి తెలిసిందే. షారుక్..చిరంజీవి రెండు ప‌రిశ్ర‌మ‌ల్లోనూ పెద్ద హీరోలు క‌దా! హాజ‌ర‌వ్వ‌డానికి అవ‌కాశం ఉంటుంద‌ని భావించిన న‌య‌న్ నో వే అనేసింది.