రవితేజ 'ఆవేశం'.. ఎవరి కోసం?

మాస్ మహారాజ్ రవితేజ ప్రస్తుతం భాను భోగవరపు దర్శకత్వంలో మూవీ చేస్తున్నారు. ఈ సినిమా షూటింగ్ దశలో ఉంది. భాను భోగవరపుకి దర్శకుడిగా ఇదే మొదటి చిత్రం. రైటర్ గా సక్సెస్ అయిన అతనికి రవితేజ దర్శకుడిగా ప్రమోషన్ ఇచ్చారు. ఈ యంగ్ డైరెక్టర్ కూడా అవుట్ అండ్ అవుట్ ఎంటర్టైన్మెంట్ తో రవితేజకి మంచి హిట్ ఇవ్వాలనే కసితో పనిచేస్తున్నాడు. ఈ చిత్రంలో శ్రీలీల హీరోయిన్ గా నటిస్తోంది.

ఇదిలా ఉంటే రవితేజతో సినిమాలు చేయడం కోసం చాలా మంది దర్శకులు వెయిటింగ్ లో ఉన్నారు. ఇదిలా ఉంటే రవితేజ ఇప్పుడు మలయాళీ హిట్ మూవీ ‘ఆవేశం’ రీమేక్ రైట్స్ కొనుగోలు చేసినట్లు తెలుస్తోంది. రవితేజ కూడా ప్రొడక్షన్ హౌస్ ఏర్పాటు చేసి సినిమాలు చేస్తోన్న సంగతి తెలిసిందే. తన ప్రొడక్షన్ లోనే ‘ఆవేశం’ రీమేక్ చేయడానికి రైట్స్ ని సొంతం చేసుకున్నట్లు తెలుస్తోంది.

మలయాళంలో ఫాహద్ ఫాజిల్ హీరోగా వచ్చిన ఈ మూవీ 100 కోట్లకి పైగా కలెక్షన్స్ రాబట్టింది. ఓటీటీలో కూడా ఈ సినిమాకి మంచి రెస్పాన్స్ వచ్చింది. ఫాహద్ ఫాజిల్ ఈ చిత్రంలో గ్యాంగ్ స్టార్ క్యారెక్టర్ లో నటించి మెప్పించాడు. ఆయన క్యారెక్టరైజేషన్ లో డిఫరెంట్ షేడ్స్ ఉంటాయి. ఎంటర్టైన్మెంట్ కూడా ఈ చిత్రంలో ఫుల్ గా ఉంటుంది. అయితే ఈ సినిమా తెలుగు వెర్షన్ రిలీజ్ చేయలేదు.

మూవీని తెలుగులో రీమేక్ చేయడానికి చాలా మంది ప్రొడ్యూసర్స్ ఆసక్తి చూపించారంట. అయితే ఫైనల్ గా రవితేజ చేతికి ఆ ప్రాజెక్ట్ వచ్చినట్లు తెలుస్తోంది. అయితే ఈ సినిమాలో ఫాహద్ ఫాజిల్ క్యారెక్టర్ లో రవితేజ నటిస్తాడా లేదంటే వేరొక యంగ్ హీరోతో ఈ చిత్రాన్ని నిర్మిస్తాడా అనేది తెలియాల్సి ఉంది. త్వరలో ఈ సినిమాపై పూర్తిస్థాయిలో క్లారిటీ వచ్చే అవకాశం ఉందని అనుకుంటున్నారు.

ఒక వేళ యంగ్ హీరో అయితే ఎవరికి ఈ మూవీ సెట్ అవుతుందనే దానిపై సోషల్ మీడియాలో చర్చించుకుంటున్నారు. ఇదిలా ఉంటే మాస్ మహారాజ్ రవితేజకి చివరిగా ‘ధమాకా’ తో సక్సెస్ వచ్చింది. దాని తర్వాత సోలోగా ఒక్క హిట్ కూడా రాలేదు. భాను భోగవరపు దర్శకత్వంలో చేస్తోన్న సినిమాపై రవితేజ హోప్స్ పెట్టుకున్నాడు. ఆవేశం సినిమాకి కూడా కాస్తా తన స్టైల్ ఎనర్జీ జోడించి తానే హీరోగా చేస్తాడేమో అనేది కూడా తెలియాల్సి ఉంది.