బిగ్ బాస్ 8 : ఫ్యామిలీ మెసేజ్ లతో కంటెస్టెంట్స్ ఆట మార్చుతారా..?

బిగ్ బాస్ సీజన్ 8 లో ప్రస్తుతం ఫ్యామిలీ వీక్ నడుస్తుంది. బుధవారం హౌస్ లోకి యష్మి ఫాదర్, నిఖిల్ మదర్ ఆ తర్వాత అవినాష్ వైఫ్ అనూజ వచ్చారు. వీరిలో అవినాష్ వైఫ్ అనూజకి బిగ్ బాస్ ఎక్కువ టైం ఇచ్చినట్టు అనిపిస్తుంది. అవినాష్, అనూజలకు యాక్టివిటీ రూంలో స్పెషల్ గా వారి కోసం ఎరేంజ్ చేశారు.

ముందు హౌస్ లోకి యష్మి ఫాదర్ రాగా యష్మి అప్పుడు స్టాట్యూగా ఉంది. అతను స్టోర్ రూం నుంచి వచ్చాడు. యష్మి అతన్ని చూసి పప్పా అని ఏడ్చేసింది. వెంటనే యష్మిని బిగ్ బాస్ రిలీజ్ చేయగా పప్పా అని ఆమె తన తండ్రిని హత్తుకుంది. ఆ తర్వాత హౌస్ మెట్స్ అందరినీ కూడా ఆమె పరిచయం చేయగా అందరు తనకు తెలుసని చెప్పాడు. యష్మి కి ఇండివిడ్యువల్ గేమ్ ఆడమని యష్మి ఫాదర్ సలహా ఇచ్చాడు. ఒక చిన్న బిగ్ బాస్ యష్మి ఫాదర్ కి ఇవ్వగా అది ఆడి ప్రైజ్ మనీకి 21 వేలు యాడ్ అయ్యేలా చేశాడు.

ఆ తర్వాత నిఖిల్ మదర్ మెయిన్ గేట్ నుంచి హౌస్ లోకి వచ్చారు. ఆమె వచ్చినప్పుడు నిఖిల్ కూడా స్టాట్యూగా ఉనాడు. అతన్ని వెనక నుంచి వచ్చి హగ్ చేసుకుంది. ఆ తర్వాత అందరి కంటెస్టెంట్స్ ని ఆమె పలకరించింది. నిఖిల్ తో కాసేపు బయట సోఫాలో ఆమె మాట్లాడారు. నిఖిల్ కి ఇవ్వాల్సిన ఇన్ పుట్స్ ఆమె ఇచ్చారు. జి తో గొడవలు వద్దని.. నామినేషన్స్ దాకా వాటిని తీసుకెళ్లొద్దని అన్నారు. అంతేకాదు యష్మి, ప్రేరణని దూరంగా ఉంచమని చెప్పారు. నిఖిల్ తన మదర్ రాకతో చాలా సేపు ఏడుస్తూనే కనిపించాడు. ఆమెకు కూడా బిగ్ బాస్ ఒక టాస్క్ ఇవ్వగా అందులో ఆమె 8 పాయింట్స్ తెలుచుకుని హౌస్ మెట్స్ కి మటన్.. ఇంకా మైసూర్ స్వీట్స్ తీసుకొచ్చారు.

నిఖిల్ మదర్ తర్వాత హౌస్ మెట్స్ అంతా కాస్త డల్ గా కనిపిస్తుంటే బిగ్ బాస్ వాళ్లకి నిద్రపోండని చెప్పాడు. అలా వారంతా పడుకున్న టైం లో అవినాష్ భార్య అనూజ అతని బెడ్ మీద పడుకుంది. అలా అవినాష్ మీద చేయి వేయగానే షాక్ అయ్యాడు. ఆ తర్వాత అనూజ హౌస్ మెట్స్ అందరితో మాట్లాడింది. ఆ తర్వాత ఇద్దరిని యాక్టివిటీ ఏరియాకి రమ్మని చెప్పి అక్కడ వారి కోసం కొంత డెకరేట్ చేశాడు. అవినాష్ అనూజ మర్చిపోలేనంత గొప్ప కానుక ఇచ్చారని అన్నారు. నిఖిల్ మదర్ వెళ్తూ కప్ తో రావాలని అన్నారు.

అవినాష్ కి వాళ్ల వైఫ్ ఆట బాగానే ఆడుతునావ్ కాస్త పాత కంటెస్టెంట్స్ తో కూడా కలువు అని సలహా ఇచ్చింది. ఆమెకు కూడా ఒక ఫన్ టాస్క్ ఇచ్చాడు. అందులో అవినాష్ ని కూడా ఇన్వాల్వ్ చేయగా అందులో వారు గెలిచి ప్రైజ్ మనీకి 51 వేలు యాడ్ అయ్యేలా చేశారు. మొత్తానికి బయట నుంచి ఆట చూసి తమ ఇంటి సభ్యులు ఇచ్చిన ఇన్ పుట్స్ తో తమ ఆట మార్చుకోవాలని కంటెస్టెంట్స్ నిర్ణయించుకున్నారు.