యాక్ష‌న్ చిత్రాల్ని వాళ్లిద్ద‌రే ఇలా పంచుకుంటారా?

బాలీవుడ్ లో యాక్ష‌న్ చిత్రాల‌కు ఇప్పుడా ఇద్ద‌రు బ్రాండ్ గా మారారా? స్టార్ హీరోల‌తో యాక్ష‌న్ సినిమాలు చేస్తే తాము మాత్ర‌మే చేయాల్సిందిగా రూలింగ్ న‌డుస్తుందా? అంటే స‌న్నివేశం అలాగే క‌నిపిస్తుంది. `బ్యాంగ్ బ్యాంగ్` తో సిద్దార్ధ్ ఆనంద్ యాక్ష‌న్ వ‌ర‌ల్డ్ లోకి అడుగు పెట్టిన సంగ‌తి తెలిసిందే. `బ్యాంగ్ బ్యాంగ్` విజ‌యం త‌ర్వాత ఆనంద్ యాక్ష‌న్ అనేది త‌న ఇంటి పేరుగా మారిపోయింది. అటుపై తెర‌కెక్కించిన `వార్` భారీ విజ‌యం సాధించింది.

అనంత‌రం `ప‌ఠాన్` తో మ‌రో సంచ‌ల‌నం న‌మోదు చేసాడు. గ‌త ఏడాది `ఫైట‌ర్` తోనే దుమ్ముదులిపేసాడు. ఇలా నాలుగు విజ‌యాల‌తో సిద్దార్ధ్ ఆనంద్ బాలీవుడ్ లో యాక్ష‌న్ చిత్రాల‌కు ఓ బ్రాండ్ గా మారాడు. అటు `బ్రహ్మాస్త్ర` తో ఆయాన్ ముఖ‌ర్జీ యాక్ష‌న్ వ‌రల్డ్ లోకి ఎంట్రీ ఇచ్చాడు. తొలి ప్ర‌య‌త్నం ఫెయిలైనా యాక్ష‌న్ మేక‌ర్ గా మాత్రం మంచి గుర్తింపు ద‌క్కించుకున్నాడు.

ఈ నేప‌థ్యంలోనే హృతిక్ రోష‌న్ తో `వార్ 2` డైరెక్ట్ చేసే అవకాశం ద‌క్కింది. అయితే ఆనంద్...ఆయాన్ ఇద్ద‌రు యాక్ష‌న్ చిత్రాల్ని ఒక‌రికొక‌రు షేర్ చేసుకోవ‌డం విశేషం. ఒక భాగాన్ని ఒక‌రు డైరెక్ట్ చేస్తే సీక్వెల్ ని మ‌రొక‌రు డైరెక్ట్ చేస్తున్నారు. `వార్` చిత్రాన్ని తొలుత సిద్దార్ధ్ ఆనంద్ డైరెక్ట్ చేసాడు. ఇప్పుడా సినిమాకి సీక్వెల్ గా రూపొందుతున్న `వార్ 2`ని ఆయాన్ ముఖ‌ర్జీ డైరెక్ట్ చేస్తున్నాడు. `ప‌ఠాన్` చిత్రాన్ని సిద్దార్ధ్ తెర‌కెక్కించాడు.

ఇప్పుడు ప‌ఠాన్ సీక్వెల్ కోసం ఆయాన్ ముఖ‌ర్జీని తీసుకున్నారు. ఇలా యాక్షన్ ప్రాంచైజీ విష‌యంలో ఆయాన్..ఆనంద్ ఇద్ద‌రు మంచి కోఆర్డినేష‌న్ తో ప‌ని చేస్తున్నారు. రోహిత్ శెట్టి లాంటి డైరెక్ట‌ర్ మ‌రొక‌రు ఉన్నా? ఆ ఛాన్స్ మ‌రొక‌రికి వెళ్ల‌కుండా ఆయాన్-ఆనంద్ మ‌ధ్య‌నే ఉండేలా ప్లాన్డ్ గా ముందుకెళ్తున్నారు.