అతడు సవాల్​ విసిరాడు.. కచ్చితంగా పాస్ అవుతా : బాలయ్య

రామ్‌ పోతినేని-బోయపాటి శ్రీనివాస్‌ కాంబోలో తెరకెక్కుతున్న 'స్కంద' ప్రీ రిలీజ్ థండర్​ ఈవెంట్​ ఘనంగా జరిగింది. నందమూరి బాలయ్య చీఫ్​ గెస్ట్​గా హాజరై సందడి చేశారు. పలు ఆసక్తికర వ్యాఖ్యలు చేశారు. ఇంకా ఈవెంట్​ దర్శకుడు బోయపాటి, హీరో రామ్ పోతినేని, యంగ్ బ్యూటీ శ్రీలీల సహా పలువురు కూడా సందడి చేశారు.

కార్యక్రమంలో భాగంగా బాలయ్య మాట్లాడుతూ.. "ఇక్కడి వచ్చినందుకు చాలా సంతోషంగా ఉంది. నేను.. బోయపాటి కలిసి 'సింహా', 'లెజెండ్‌', 'అఖండ' లాంటి విజయవంతమైన చిత్రాలు చేశాం. ఈ రోజుల్లో సినిమా అంటే ఎలా ఉండాలి, ఆడియెన్స్​ను ఎలా థియేటర్లకు రప్పించాలి అన్న విషయంపై దర్శక నిర్మాతలు బాగా దృష్టి పెట్టాలి. తెలంగాణ నేపథ్యంలో రామ్‌ ఇస్మార్ట్‌ శంకర్‌ చేసి నాకో ఛాలెంజ్​ విసిరాడు. ఇప్పుడు నేను అదే బ్యాక్​డ్రాప్​లో 'భగవంత్‌ కేసరి' చేస్తున్నాను. ఇప్పుడు రామ్​ మళ్లీ డబుల్ ఇస్మార్ట్​ చేస్తున్నాడు. నేను డిగ్రి చదివితే.. రామ్​ పీహెచ్ డీ చేశాడు. నేనింకా పాస్‌ అవ్వాలి. దేవదాస్​ నుంచి రామ్ ప్రయాణాన్ని చూస్తున్నాను. విభిన్న కథలు, పాత్రలు ఎంచుకుంటూ కెరీర్​లో ముందుకెళ్తున్నాడు. తెలుగు కళామతల్లి ఇచ్చిన వరం రామ్‌. ఇలాం ఇక శ్రీలీల.. అందం..అభినయం..నాట్యం.. అన్ని కలగలిసిన మంచి నటి. ఆమెలో డెడికెషన్, తపన ఉన్నాయి. ఆమె డెడికెషన్​కు హ్యాండ్సాఫ్​. స్కంద విజయం సాధిస్తుందని ఆశిస్తున్నాను" అని బాలయ్య అన్నారు.

హీరో రామ్‌ మాట్లాడుతూ.. "బాలయ్య వచ్చినందుకు ప్రత్యేక కృతజ్ఞతలు తెలుపుకుంటున్నాను. మూడు తరాల నుంచి జై బాలయ్య స్లోగన్​ వింటున్నాం. ఓ నటుడికి ఇదో గొప్ప విజయం. తమన్​ సూపర్ మ్యూజిక్ అందించారు. ఈ నెల చివర్లో ఓ పాటను రిలీజ్ చేస్తాం. ఈ పాటలో శ్రీలల నేను బాగా డ్యాన్స్ వేశాం. శ్రీలలతో డ్యాన్స్ వేయడం ఆనందంగా ఉంది. బోయపాటి శ్రీను ఏదైనా మొండిగా నమ్మేసి ముందుకెళ్లిపోతుంటారు. ట్రైలర్‌లో కనిపించిన నా మాస్‌ లుక్‌ కోసం ఆయన ఏడు గంటలు దగ్గరుండి మరీ రెడీ చేయించుకున్నారు. ప్రతీ రోజు ఈ లుక్​ కోసం మూడు గంటలు పట్టేది. ఈ సినిమాలో నాకు అవకాశం అదృష్టం" అని చెప్పారు.

జై బాలయ్య అంటూ బోయపాటి శ్రీనివాస్ తన స్పీచ్​ను మొదలుప్టటి.. అఖండ 2 కచ్చితంగా చేస్తానని స్పష్టతనిచ్చారు దర్శకుడు బోయపాటి. "జై బాలయ్య.. త్వరలోనే అఖండ 2 చేస్తాను. కాస్త సమయం పడుతుంది. నేను బాలయ్యతో కలిసి 15 సంవత్సరాలుగా జర్నీ చేస్తున్నాను. ఆయనో శక్తి. ఆయన ఆశీర్వాదం అమోఘం. దటీజ్ బాలయ్య. ఇక స్కంద విషయానికి వస్తే.. యాక్షన్‌, ఎమోషన్స్‌ అన్నీ పుష్కలంగా ఉన్న అద్భుతమైన ఫ్యామిలీ సినిమా. రామ్​ పోతినేని గురించి ఓకే మాట చెప్తాను. ఆ మాట ఏంటంటే..తపన. రామ్ అంటే ఎనర్జీ అంటారు. అది అందరిలోనూ ఉంటుంది. కానీ రామ్​ ఉన్న ఆ తపనే ఈ స్థాయికి తీసుకొచ్చింది. శ్రీలీల అద్భుతమైన డ్యాన్సర్ అని చెప్పడం కన్నా.. ఆమె గొప్ప నటి అని అంటాను. నేషనల్ అవార్డ్స్​ అందుకున్న ఆర్​ఆర్​ఆర్​ టీమ్​, అల్లుఅర్జున్​కు కంగ్రాట్స్​" అని పేర్కొన్నారు.