మ‌ళ్లీ బ‌రిలోకి బాల‌య్య ఎప్ప‌టి నుంచి అంటే?

న‌ట‌సింహ బాల‌కృష్ణ 109వ చిత్రం బాబి ద‌ర్శ‌క‌త్వంలో షూటింగ్ శ‌ర‌గ వేగంగా జ‌రుగుతోన్న సంగతి తెలి సిందే. బాల‌య్య మాస్ ఇమేజ్ ని రెట్టింపు చేస్తూ హై ఓల్టేజ్ యాక్షన్ ఎంట‌ర్ టైన‌ర్ గా మ‌లుస్తున్నాడు. బాబిలాంటి మాస్ మేక‌ర్ కి బాల‌య్య లాంటోడు తగిలితే ఎలా ఉంటుందో? చెప్పాల్సిన ప‌న‌లేదు. థియేట‌ర్లు ద‌ద్ద‌రిల్లిపోతాయి. ఇప్ప‌టికే చాలా భాగం షూటింగ్ పూర్తి చేసుకుంది.

మేజ‌ర్ ప్టార్ షూటింగ్ అంతా హైద‌రాబాద్ ప‌రిస‌ర ప్రాంతాల్లోనే జ‌రిగింది. అవ‌స‌రం మేర వైజాగ్ లాంటి ప్రాంతాల్లో షూటింగ్ చేసారు. ఇటీవ‌లే యూనిట్ కొత్త షెడ్యూల్ రాజ‌స్థాన్ లో మొద‌లు పెట్టిన సంగ‌తి తెలిసిందే. బాల‌య్య స‌హా ప్ర‌ధాన తారాగ‌ణ‌మంతా అందులో పాల్గొంది. దీనిలో భాగంగా బాల‌కృష్ణ , బాబిడియోల్ పై కీల‌క‌మైన యాక్ష‌న్ స‌న్నివేశాలు చిత్రీక‌రించారు. అలాగే కొంత టాకీ పార్టు కూడా ముగించారు.

తాజాగా కొత్త షెడ్యూల్ ఈనెలఖ‌రు నుంచి హైద‌రాబాద్ లో ప్రారంభమ‌వుతుంది. ప్ర‌స్తుతం టీమ్ ఆ ఏర్పాట్ల‌లో బిజీగా ఉంది. ఈ షూట్ లో బాల‌య్య‌తో పాటు ప్ర‌ధాన‌తారాగ‌ణ‌మంతా పాల్గొంటుంది. కొన్ని కీల‌క‌మైక యాక్ష‌న్ సీక్వెన్సెస్ చిత్రీక‌రించ‌నున్నార‌ని స‌మాచారం. సినిమాలో ఇవే క్లైమాక్స్ యాక్ష‌న్ ఎపిసోడ్ అని అంటున్నారు. ఈ సంద‌ర్భంగానే మ‌రో కొత్త విష‌యం కూడా వెలుగులోకి వ‌స్తుంది.

ఇందులో బాల‌య్య రెండు విభిన్న కోణాల్లో క‌నిపించ‌నున్నారుట‌. అందులో ఒక పాత్ర కాస్త రొమాంటిక్ గానే ఉంటుందిట‌. ఊర్వ‌శీ రౌతేలా ఆ రొమాంటిక్ స‌న్నివేశాలు హైలైట్ అవుతాయ‌ని అంటున్నారు. ఊర్వ‌శీతో పాటు ప్ర‌గ్యాజైశ్వాల్, చాందినీ చౌద‌రి కూడా న‌టిస్తోన్నట్లు స‌మాచారం. అదే నిజ‌మైతే బాల‌య్య‌ని మ‌రింత రొమాంటిక్ స్టార్ బాబి హైలైట్ చేస్తున్నాడా? అన్న సందేహం రాక మాన‌దు.