ఆ 15 నిమిషాలు భగవంత్ కేసరిలో సునామి

బాలకృష్ణ హీరోగా అనిల్ రావిపూడి దర్శకత్వంలో తెరకెక్కి రిలీజ్ కి సిద్ధమవుతోన్న మూవీ భగవంత్ కేసరి. భారీ బడ్జెట్ తో యాక్షన్ ఎంటర్టైనర్ గా ప్రేక్షకుల ముందుకి రాబోతున్న ఈ చిత్రంపై అదే స్థాయిలో అంచనాలు కూడా ఉన్నాయి. ట్రైలర్ ఆకట్టుకోవడంతో బాలయ్య ఖాతాలో మరో బ్లాక్ బస్టర్ ఖాయం అని అభిమానులు భావిస్తున్నారు. అలాగే అనిల్ రావిపూడి ఈ చిత్రంతో డబుల్ హ్యాట్రిక్ కొడతాడని అంచనా వేస్తున్నారు.

ఇదిలా ఉంటే ఈ చిత్రంలో కాజల్ అగర్వాల్ హీరోయిన్ గా నటిస్తోంది. శ్రీలీల భగవంత్ కేసరి కూతురు పాత్రలో కనిపించబోతోంది. ఆమె పాత్ర సినిమాలో చాలా బలంగా ఉండటంతో పాటు కథని మలుపు తిప్పే స్థాయిలో ఉంటుందని ఇప్పటికే క్లారిటీ ఉంది. అలాగే థమన్ అందించిన మ్యూజిక్ కూడా భగవంత్ కేసరికి ప్లస్ అయ్యేలా ఉందని చెప్పొచ్చు.

ఇదిలా ఉంటే ఈ సినిమా గురించి ఇంకో ఇంటరెస్టింగ్ న్యూస్ కూడా ఇప్పుడు సోషల్ మీడియాలో వైరల్ అవుతోంది. ఫ్లాష్ బ్యాక్ ఎపిసోడ్ భగవంత్ కేసరి చిత్రానికి చాలా బలంగా ఉంటుందంట. ఈ ఎపిసోడ్ లో 15 నిమిషాల పాటు బాలయ్య పోలీస్ ఆఫీసర్ గా కనిపిస్తాడని టాక్. ఈ గెటప్ లో బాలకృష్ణ బీభత్సం చూపిస్తాడని,

సినిమాలో సునామి రేంజ్ లో ఈ ఎపిసోడ్ మొత్తం ఉంటుందంట. ఇదే ఇప్పుడు సోషల్ మీడియాలో హాట్ టాపిక్ గా మారింది. బాలకృష్ణ ఎప్పుడో రెండు దశాబ్దాల క్రితం పోలీస్ ఆఫీసర్ పాత్రలో చూడటం జరిగింది. మరల ఇన్నేళ్ల తర్వాత భగవంత్ కేసరిలో పోలీస్ ఆఫీసర్ గా చూసే అవకాశం రాబోతోంది. కచ్చితంగా ఇది ఫ్యాన్స్ కి సర్ప్రైజింగ్ న్యూస్ అని చెప్పొచ్చు.

పోలీస్ రోల్ లో బాలయ్య కనిపిస్తే కామన్ ఆడియన్స్ కూడా ఎంజాయ్ చేస్తారు. బాలయ్యని బోయపాటి పవర్ ఫుల్ లీడర్ తరహా ఇమేజ్ లోకి తీసుకుపోయారు. అనిల్ రావిపూడి పూర్తిగా బాలయ్య ఇమేజ్, బ్రాండ్ ని భగవంత్ కేసరి చిత్రంతో మార్చేయాలని చూస్తున్నారు. మరి అది ఎంత వరకు వర్క్ అవుట్ అవుతుందనేది చూడాలి.