చెప్పు వదిలినా వైరల్‌.. పుష్ప పై బిగ్‌ బి కామెంట్స్
తాజాగా బాలీవుడ్‌ మెగాస్టార్‌ బిగ్‌బి అమితాబచ్చన్ తన కౌన్ బనేగా కరోడ్‌ పతి షో లో పుష్ప లోని శ్రీవల్లి పాట బన్నీ చెప్పు వదిలేసే స్టెప్ గురించి ఆసక్తికర వ్యాఖ్యలు చేసి మరోసారి సదరు పాటను వార్తల్లో నిలిపాడు.
అల్లు అర్జున్ హీరోగా సుకుమార్‌ దర్శకత్వంలో వచ్చిన పుష్ప సినిమా ఎంతటి విజయాన్ని సొంతం చేసుకుందో ప్రత్యేకంగా చెప్పనక్కర్లేదు. ఆ విజయం లో సినిమాలోని పాటలు కీలక పాత్ర పోషించాయి. శ్రీవల్లి పాట ఏ స్థాయిలో ఫేమస్ అయిందో అందరికీ తెల్సిందే. ముఖ్యంగా ఆ పాటలో అల్లు అర్జున్ డాన్స్ చేస్తూ చెప్పు వదిలేసి మళ్లీ చెప్పు వేసుకునే షాట్స్ తెగ వైరల్‌ అయ్యాయి.
ఆ బిట్‌ ను లక్షలాది మంది సోషల్ మీడియాలో అనుకరించి వీడియోలు చేయడం జరిగింది. ఇప్పటికి కూడా ఆ స్టెప్ గురించి చర్చ జరుగుతోంది. తాజాగా బాలీవుడ్‌ మెగాస్టార్‌ బిగ్‌బి అమితాబచ్చన్ తన కౌన్ బనేగా కరోడ్‌ పతి షో లో పుష్ప లోని శ్రీవల్లి పాట బన్నీ చెప్పు వదిలేసే స్టెప్ గురించి ఆసక్తికర వ్యాఖ్యలు చేసి మరోసారి సదరు పాటను వార్తల్లో నిలిపాడు.
ప్రస్తుతం కౌన్ బనేగా కరోడ్‌ పతి 15వ సీజన్ నడుస్తున్న విషయం తెల్సిందే. తాజా ఎపిసోడ్‌ లో పుష్ప సినిమా గురించి ఒక ప్రశ్నను కంటెస్టెంట్‌ ని అడిగిన అమితాబచ్చన్ ఆ తర్వాత ఆ సినిమాలోని శ్రీవల్లి పాట గురించి స్పందించాడు. అద్భుతమైన సినిమా. శ్రీవల్లి పాట నిజంగా ప్రభంజనం సృష్టించింది. చెప్పు వదిలేస్తే వైరల్‌ అవ్వడం నేను జీవితంలో మొదటి సారి చూశాను.
ఆ పాట వచ్చిన తర్వాత ఎవరు చూసినా కూడా చెప్పు వదిలేసి డ్యాన్స్ చేయడం నేను చూశాను. ఒక పాటకు అంతగా పాపులారిటీ రావడం కూడా నేను ఎప్పుడూ చూడలేదు అంటూ అమితాబచ్చన్ పుష్ప లోని శ్రీవల్లి పాటపై మరియు బన్నీ డాన్స్ పై ప్రశంసలు కురిపించారు.
ఇక ప్రస్తుతం పుష్ప 2 సినిమా షూటింగ్‌ జరుగుతున్న విషయం తెల్సిందే. భారీ అంచనాల నడుమ రూపొందుతున్న పుష్ప 2 సినిమా ను వచ్చే ఏడాది ఆగస్టులో విడుదల చేయబోతున్నారు. పుష్ప కి గాను బన్నీ జాతీయ అవార్డు అందుకున్నాడు. కనుక రెండో పార్ట్‌ లో అంతకు మించి నటించే విధంగా ప్లాన్ చేస్తున్నారు. దర్శకుడు సుకుమార్‌ పుష్ప 2 ని వెయ్యి కోట్ల టార్గెట్‌ గా రూపొందిస్తున్నట్లుగా తెలుస్తోంది.