అందమైన చూపు తిప్పనివ్వని ప్రతిబింబం!

'యే మేరీ లైఫ్ హై' టీవీ సిరీస్ తో ఉత్తరాది బుల్లితెర ప్రేక్షకులకు చేరువ అయిన ముద్దుగుమ్మ షామా సికిందర్. చాలా తక్కువ సమయంలోనే బుల్లి తెరపై స్టార్‌ గా మంచి గుర్తింపును సొంతం చేసుకుంది. ఆకట్టుకునే అందమైన రూపం ఉన్న షామా సికిందర్ వెండి తెర స్టార్‌ స్థాయి ఇమేజ్ ను తెచ్చుకోవడం జరిగింది. అప్పుడప్పుడు వెండి తెరపై కూడా సందడి చేయడం ద్వారా ఉత్తరాన మంచి పాపులారిటీ ఉన్న స్టార్స్ లో ఈమె ఒకరుగా నిలవడం జరిగింది. ఇప్పుడు సోషల్‌ మీడియా ద్వారా మొత్తం పాన్ ఇండియా స్థాయిలో తన అందమైన ఫోటోలతో కన్నుల విందు చేస్తుంది.

ఎన్నో అవార్డులతో పాటు, గౌరవాలు, రివార్డులు దక్కించుకున్న షామా సికిందర్‌ పలు టీవీ షో ల్లో నెగటివ్ షేడ్స్ ఉన్న పాత్రల్లో కూడా నటించి నటిగా తనను తాను ప్రేక్షకులకు చూపించే ప్రయత్నం చేసింది. బుల్లి తెర ద్వారా ఎన్నో పాత్రల్లో కనిపించిన షామా సికిందర్ సినిమాల్లో నటించాలని భావించినా కూడా వచ్చిన ఆఫర్లు ఆమెను సక్సెస్‌ చేయలేక పోయాయి. అయినా కూడా ఆమె సోషల్‌ మీడియాలో ప్రస్తుతం స్టార్‌ ఇమేజ్ తో దూసుకు పోతుంది. ఆమె షేర్‌ చేసే ప్రతి ఫోటో కూడా లక్షల లైక్స్ ను సొంతం చేసుకుంటూ, మిలియన్ వ్యూస్ ను పొందుతూ ఉన్నాయి.

తాజాగా సోషల్‌ మీడియా ద్వారా నాకు ఇష్టమైన ప్రతిబింబం తో చెక్ ఇన్ చేస్తున్నాను అంటూ కామెంట్‌ పెట్టి ఈ ఫోటోలను షేర్ చేసింది. అద్దంలో సెల్ఫీ తీసుకుంటూ ఇచ్చిన ఫోజ్ లు అందరి దృష్టిని ఆకర్షిస్తున్నాయి. ప్రతిబింబం అసలు రూపం కంటే ఇంకాస్త ఎక్కువ అందంగా ఉందని కొందరు కామెంట్స్ చేస్తే, వావ్‌ ఇంతటి అందం కేవలం ఈ అమ్మడికే సొంతం అన్నట్లుగా సోషల్‌ మీడియాలో కామెంట్స్ చేస్తున్నారు. ఇంతటి అందానికి సిల్వర్‌ స్క్రీన్‌ పై దక్కాల్సిన గుర్తింపు, పొందాల్సిన గౌరవం దక్కిందా అంటూ నెటిజన్లు ప్రశ్నిస్తున్నారు.

1998 లో ఫిరోజ్ ఖాన్‌ స్వీయ దర్శకత్వంలో నిర్మించిన హిందీ చిత్రం ప్రేమ్‌ అగ్గన్ తో 16 ఏళ్ల వయసు లో షామా సికిందర్‌ ఇండస్ట్రీలో అడుగు పెట్టింది. ఆడిషన్స్ లో పాల్గొని ఫిరోజ్‌ ఖాన్‌ ను మెప్పించి అవకాశం దక్కించుకుంది. అప్పటి నుంచి షామా సికిందర్ సినీ కెరీర్ కొనసాగుతూ ఉంది. నాలుగు పదుల వయసు దాటిన తర్వాత కూడా సోషల్‌ మీడియాలో ఇలాంటి ఫోటోలను షేర్ చేయడం ద్వారా కుర్రకారు కూడా ఈమెకు అభిమానులుగా మారుతున్నారు. ఈమె మళ్లీ సినిమాలు, సిరీస్ లు చేయాలని కోరుకుంటున్న నెటిజన్స్ మరియు ఫ్యాన్స్ చాలా మంది ఉన్నారు.