ఇది బిజినెస్ మాన్ సత్తా

సూపర్ స్టార్ మహేష్ బాబు హీరోగా నటించిన బిజినెస్ మాన్ సినిమా కమర్షియల్ గా భారీ విజయాన్ని సొంతం చేసుకోలేకపోయింది. కానీ మహేష్ బాబు కెరియర్లో చాలా ప్రత్యేకమైన సినిమాగా నిలిచింది అనడంలో ఎలాంటి సందేహం లేదు. పూరి జగన్నాధ్ దర్శకత్వంలో రూపొంది ట్రెండ్ సెట్టర్ మూవీగా నిలిచిన బిజినెస్ మాన్ రీ రిలీజ్ కి రెడీ అయింది.

మహేష్ బాబు పుట్టినరోజు సందర్భంగా ఆగస్టు 9వ తారీఖున విడుదల కాబోతున్న ఈ సినిమా అడ్వాన్స్ బుకింగ్ ప్రారంభం అయింది. వైజాగ్ లోని సంగం థియేటర్లో ఉదయం ఏడున్నర గంటలకు ప్రత్యేక షో ఏర్పాటు చేయబోతున్నారు. ఆ షో కి సంబంధించిన టికెట్లు గంట వ్యవధిలోనే అమ్ముడుపోయాయి. సంగం మరియు శరత్ థియేటర్లలో సినిమాని భారీ ఎత్తున అభిమానులు చూడబోతున్నారు.

మహేష్ బాబు సినిమాలు రీ రిలీజ్ అయిన దాఖలాలు చాలానే ఉన్నాయి. అయినా కూడా ఈ సినిమాకి విపరీతమైన క్రేజ్ ఉంది అనడంలో సందేహం లేదు. ఈ అడ్వాన్స్ బుకింగ్ అందుకు నిదర్శనం అంటూ అభిమానులు ఆనందం వ్యక్తం చేస్తున్నారు. వైజాగ్ లో మాత్రమే కాకుండా తెలుగు రాష్ట్రాల్లో పెద్ద ఎత్తున బిజినెస్ మాన్ సినిమాను విడుదల చేయబోతున్నట్లుగా మేకర్స్ ప్రకటించారు.

కాజల్ అగర్వాల్ హీరోయిన్గా నటించిన బిజినెస్ మాన్ సినిమాకి తమన్ సంగీతాన్ని అందించాడు. అప్పట్లో సినిమా పాటలన్నీ కూడా మంచి విజయాన్ని సొంతం చేసుకున్నాయి. తక్కువ సమయంలో రూపొందిన మహేష్ బాబు సినిమాల్లో బిజినెస్ మాన్ సినిమా ముందు ఉంటుంది. కమర్షియల్ సక్సెస్ సొంతం చేసుకో లేకపోయినా కూడా తక్కువ బడ్జెట్ తో రూపొందిన కారణంగా నిర్మాతకు డిస్ట్రిబ్యూటర్స్ కి బిజినెస్ మాన్ పెద్దగా నిరాశ పరచలేదు.