ధనుష్ బుల్లెట్ల వర్షం.. గేట్ రెడీ!

తమిళ స్టార్ హీరో ధనుష్ వరస సినిమా తో దూసుకుపోతున్నారు. కేవలం తమిళం లోనే కాకుండా తెలుగు, హిందీ సినిమాల్లో ఛాన్సులు అందుకుంటూ దూసుకుపోతున్నారు. ఇటీవల డైరెక్ట్ గా తెలుగు లో సార్ సినిమా తీశారు. ఈ సినిమా బ్లాక్ బస్టర్ హిట్ అందుకుంది. ఈ మూవీతో టాలివుడ్ లో ఆయన క్రేజ్ అమాంతం పెరిగిపోయింది. హిందీలోనూ ఇప్పటికే 'రంఝానా, అత్రంగి రే' చిత్రాల్లో నటిచించి ఆకట్టుకున్నారు.

మల్టీ టాలెంటెడ్ హీరోగా పేరు సొంతం చేసుకున్న ధనుష్ తన సినిమాలన్నీ డిఫరెంట్ గా, అన్ని వర్గాల ను ఆకట్టుకునేలా ఎంపిక చేసుకుంటన్నారు. ప్రస్తుతం ధనుష్ కెప్టెన్ మిల్లర్‌ చిత్రీకరణలో బిజీ గా ఉన్నారనే విషయం తెలిసిందే. ఈ మూవీ కోసం ఆయన భారీగా గడ్డం కూడా పెంచారు. అయితే, తాజాగా ఈ మూవీ నుంచి ఒక లుక్ పోస్టర్ విడుదల చేశారు.

ఈ పోస్టర్ లో ఆయన చాలా వలైంట్ గా కనిపిస్తున్నారు. చేతి లో పెద్ద ఆయుధంతో కనిపిస్తున్నారు. ఈ ఫోటో యాక్షన్ సీన్ లోది అనిపిస్తోంది. ఆయన ఒంటి నిండా రక్తం, బురద కనిపిస్తోంది. పక్కనే బుల్లెట్స్ బయటకు వచ్చినట్లు కనిపిస్తోంది. అంతే, ఆయన తన శత్రువుల పై బుల్లెట్లతో విరుచుకుపడుతున్నట్లు అర్థమౌతోంది. ఇప్పుడు ఈ లుక్ ఆయన ఫ్యాన్స్ కి విపరీతంగా నచ్చేస్తోంది.

కాగా, ఈ మూవీ టీజర్ ని జులై 28వ తేదీన రాత్రి 12గంటల ఒక్క నిమిషానికి విడుదల చేయనున్నట్లు మేకర్స్ ప్రకటించారు. ఈ సినిమా లో ధనుష్ సరసన కోలివుడ్ బ్యూటీ ప్రియాంక అరుల్ మోహన్ నటించనున్నారు. విప్లవయోధుడు కెప్టెన్ మిల్లర్‌ స్పూర్తితో ఈ మూవీ తెరకెక్కించారు. ఈ మూవీ మూడు పార్ట్స్ గా వచ్చే అవకాశం ఉందని తెలుస్తోంది.

సత్య జ్యోతి ఫిలిమ్స్‌ తెరకెక్కిస్తున్న కెప్టెన్‌ మిల్లర్ తెలుగు, తమిళం, హిందీ భాషల్లో గ్రాండ్‌గా విడుదల కానుంది. ఈ మూవీ లో కన్నడ స్టార్ హీరో శివరాజ్‌ కుమార్‌ , టాలీవుడ్ యాక్టర్ సందీప్‌ కిషన్‌, నివేదితా సతీశ్‌, అమెరికన్‌ యాక్టర్‌, ఆర్ఆర్ఆర్‌ ఫేం ఎడ్వర్డ్‌ సొన్నెన్‌బ్లిక్ ఇతర ప్రధాన పాత్రలు పోషిస్తున్నారు. జీవీ ప్రకాశ్‌ కుమార్‌ ఈ చిత్రాని కి సంగీతం అందిస్తున్నాడు.