సంక్రాంతికి తండేల్.. ఓ క్లారిటీ ఇచ్చేసిన డైరెక్టర్
పాన్ ఇండియా రేంజ్ లో భారీ బడ్జెట్ తో ప్రముఖ సినీ నిర్మాత అల్లు అరవింద్ సమర్పణలో బన్నీ వాసు నిర్మిస్తున్నారు.
టాలీవుడ్ యంగ్ హీరో నాగచైతన్య.. ప్రస్తుతం తండేల్ మూవీతో బిజీగా ఉన్న విషయం తెలిసిందే. ఉత్తరాంధ్రకు చెందిన కొందరు మత్స్యకారుల జీవితంలో జరిగిన నిజజీవిత ఘటనల ఆధారంగా చందూ మొండేటి దర్శకత్వం వహిస్తున్నారు. పాన్ ఇండియా రేంజ్ లో భారీ బడ్జెట్ తో ప్రముఖ సినీ నిర్మాత అల్లు అరవింద్ సమర్పణలో బన్నీ వాసు నిర్మిస్తున్నారు. నేచురల్ బ్యూటీ సాయి పల్లవి హీరోయిన్ గా నటిస్తున్నారు.
ఇప్పటికే మేకర్స్ విడుదల చేసిన ప్రమోషనల్ కంటెంట్ తో తండేల్ పై సినీ ప్రియుల్లో భారీ అంచనాలు నెలకొన్నాయి. ఎంతో నేచురల్ గా రూపొందిస్తున్నట్లు ఇప్పటికే క్లారిటీ వచ్చేసింది. కచ్చితంగా మూవీ హిట్ అవుతుందని అంతా ఫిక్స్ అయ్యారు. సినిమా కోసం ఎంతో వెయిట్ చేస్తున్నారు. కానీ మూవీ రిలీజ్ డేట్ పై ఇంకా క్లారిటీ రాలేదు. డిసెంబర్ 20వ తేదీన రిలీజ్ అవుతుందని ఎప్పటి నుంచో వార్తలు వచ్చాయి.
కానీ అప్పటికి సెన్సార్ కంప్లీట్ అవ్వదని.. సంక్రాంతికి రిలీజ్ చేయాలని ఫిక్స్ అయినట్లు కొద్ది రోజులుగా టాక్ వినిపిస్తోంది. ఇప్పటికే పొంగల్ రేసులో రామ్ చరణ్ గేమ్ ఛేంజర్, నందమూరి బాలకృష్ణ ఎన్‌ బీకే 109, వెంకటేష్ అనిల్ రావిపూడి ప్రాజెక్ట్, సందీప్ కిషన్ మజాకా చిత్రాలు ఉన్నాయి. దీంతో సంక్రాంతికి తండేల్ మూవీ వస్తుందా లేదా అనే విషయంలో ఇంకా మేకర్స్ క్లారిటీ ఇవ్వలేదు. నిర్మాత అల్లు అరవింద్ విదేశాల నుంచి వచ్చిన తర్వాత రిలీజ్ డేట్ పై నిర్ణయం తీసుకోనున్నారట.
అదే సమయంలో రీసెంట్ గా డైరెక్టర్ చందూ మొండేటి ఆసక్తికర వ్యాఖ్యలు చేశారు. తాము జనవరికి రెడీగా ఉన్నామని తెలిపారు. మరో 10 రోజుల షూటింగ్ మాత్రమే పెండింగ్ ఉందని చెప్పారు. ఒకవేళ చరణ్ గారి సినిమా వస్తుందని అరవింద్ గారు, వెంకటేష్ గారి సినిమా వస్తుందని చైతూ గారు ఆలోచిస్తే సంక్రాంతికి తండేల్ రాకపోవచ్చని చందూ మొండేటి పేర్కొన్నారు. ప్రస్తుతం ఆయన వ్యాఖ్యలు.. సోషల్ మీడియాలో వైరల్ గా మారాయి.
ఒకవేళ సంక్రాంతికి రాకుంటే రిపబ్లిక్ డే సందర్భంగా రావచ్చు అనే టాక్ ఉంది. ఈ విషయంలో త్వరలోనే ఒక క్లారిటీ వచ్చే అవకాశం ఉంది. నిజానికి.. నాగచైతన్య ఈ సినిమాను ప్రతిష్టాత్మకంగా తీసుకున్నారు. మూవీ కోసం తన లుక్ ను పూర్తిగా మార్చుకున్నారు. శ్రీకాకుళం యాస కూడా నేర్చుకున్నారు. అలా అనేక విధాలుగా కష్టపడ్డారు. సినిమా నిర్మాణ విషయంలో చాలా జాగ్రత్తలు తీసుకుంటున్నారు. సినిమాతో మంచి హిట్ అందుకోవాలని చూస్తున్నారు. మరి తండేల్ తో ఎప్పుడు ప్రేక్షకుల ముందుకు వస్తారో వేచి చూడాలి.