చిరు నెక్స్ట్​ ప్లాన్​ ఏంటో?.. లైనప్​లోకి సీనియర్​ దర్శకుడు

సోషల్​మీడియాలో ఇప్పుడంతా ఎక్కడా చూసిన మెగాస్టార్ చిరంజీవి గురించే చర్చ సాగుతోంది. 'భోళాశంకర్' భారీ డిజాస్టర్​ అందుకోవడంతో ఈ చర్చలు ఎక్కువైపోయాయి. నెక్ట్స్​ చిరు ఎలాంటి స్టెప్​ తీసుకుంటారో? ఏ డైరెక్టర్​తో వస్తారో? కథలు, పాత్రల విషయంలో ఎలాంటి నిర్ణయాలు తీసుకుంటారో? అంటూ ప్రతిఒక్క సినీ అభిమాని తెగ చర్చించుకుంటున్నారు.

అయితే ఈ భోళాశంకర్​ సినిమా తర్వాత చిరు తన కూతురు సుస్మిత కొణిదెల నిర్మాణంలో ఓ సినిమా చేస్తున్న సంగతి తెలిసిందే. దీనికి బంగార్రాజు ఫేమ్ కల్యాణ్ కృష్ణ దర్శకత్వం వహించనున్నారు. మలయాళ హిట్ సినిమా బ్రో డ్యాడీ రీమేక్​గా రానుంది. అయితే ఈ చిత్రం తర్వాత చిరు ఏ దర్శకుడితో చేయబోనున్నారనే విషయంపై పలు రకాల వార్తలు నెట్టింట్లో తెగ చక్కర్లు కొడుతున్నాయి.

పలు దర్శకుల పేర్లు కూడా వినిపిస్తున్నాయి. ఈ క్రమంలోనే తాజాగా దర్శకుడు వివి వినాయక్ పేరు గట్టిగా వినపడటం ప్రారంభమైంది. భోళాశంకర్ ఫ్లాప్ కావడం వల్ల చిరు ఈ సారి ఆచితూచి సరైన కథ, దర్శకుడితో రావాలని గట్టిగా ప్లాన్ చేస్తున్నారట. ఇందులో భాగంగానే ఇప్పుడు వివి వినాయక్​తో సినిమా చేసే అవకాశముందని ప్రచారం సాగుతోంది.

చిరు రీఎంట్రీ.. వివి వినాయక్ దర్శకత్వంలోనే జరిగిందన్న సంగతి తెలిసిందే. ఖైదీ నెం.150తో బ్లాక్ బాస్టర్ హిట్​ను అందుకున్నారు. ఈ చిత్రం రీమేక్ అయినప్పటికీ బాక్సాఫీస్ వద్ద మంచి సక్సెస్​ను అందుకుంది. అంతేకాకుండా వివి వినాయక్​కు మంచి ట్రాక్​ రికార్డ్ కూడా ఉంది. ఆయన స్లోగా సినిమాలు చేస్తున్నప్పటికీ గతంలో ఆది, ఠాగూర్​, అదుర్స్​ వంటి ఎన్నో హిట్ చిత్రాలను చేశారు.

రీసెంట్​గా ఆయన బెల్లంకొండ శ్రీనివాస్​తో ప్రభాస్​ సూపర్ హిట్​ మూవీ ఛత్రపతి హిందీ రీమేక్​ చేశారు. ఈ చిత్రంతో బాలీవుడ్​ అరంగేట్రం చేశారు. కానీ ఈ చిత్రం బోల్తా కొట్టింది. అయినా వివి వినాయక్​కు తక్కువ చేయలేం. సీన్స్​ ఎలివేషన్స్​, హీరో క్యారెక్టరైజేషన్​ బాగా చేస్తారు. కాబట్టి ఇప్పుడు చిరుతో సినిమా విషయమై తాజాగా జరుగుతున్న ప్రచారం నిజమైతే కనుక.. అంచనాలు పీక్స్​లో ఉంటాయి. అదే సమయంలో వివి వినాయక్​కు కూడా తన స్టామినా నిరూపించుకోవడానికి ఓ అవకాశం దొరికినట్టవుతుంది. చూడాలి మరి ఈ కాంబో నిజంజానే ఒకే అయితే ఎలాంటి కథతో వస్తారో.

ఇకపోతే వివి వినాయక్ పేరు ప్రచారంలోకి రాకముందు మెగా 157గా బింబిసార దర్శకుడు విశిష్ట పేరు బాగా వినిపించింది. యూవీ క్రియేషన్స్​ బ్యానర్​లో సోషియో ఫ్యాంటసీ సినిమా అని అంతా అన్నారు. చూడాలి మరి చిరు విశిష్టతో వస్తారో లేదా తనకు మంచి హిట్స్​ను అందించిన సీనియర్ దర్శకుడు వివి వినాయక్​తో వస్తారో..