ర‌జ‌నీ- చిరు- బాల‌య్య ఒకే ప్రేమ్ లో!

సూప‌ర్ స్టార్ ర‌జ‌నీకాంత్-మెగాస్టార్ చిరంజీవి-న‌ట‌సింహ బాల‌కృష్ణ‌లను ఒకే వేదిక‌పై చూసి కొన్ని ద‌శాబ్ధాలు అయిండొచ్చు. ఆ ముగ్గురు త్ర‌యాన్ని చూడాలంటే? వాళ్లంతా యంగ్ గా ఉన్న రోజుల్లోకి వెళ్తే త‌ప్ప ఆ ముగ్గురు క‌లిసిన ఫోటోలు కూడా దొర‌క‌వు. కానీ నేడు చంద్ర‌బాబు నాయుడు నాల్గ‌వ‌సారి ముఖ్య‌మంత్రిగా ప్ర‌మాణ స్వీకారం చేస్తోన్న పుణ్య‌మానా? అని ఆ త్ర‌యాన్ని క‌లిసి చూసే మ‌హా భాగ్యం అభిమానుల‌కు ఇన్నాళ్లకు మ‌ళ్లీ దొరికింది.

చిరంజీవి, ర‌జ‌నీకాంత్..బాల‌కృష్ణ ముగ్గురు ఒకే వేదిక‌పై ఉంటే ఎలా ఉంటుందో చెప్పాల్సిన ప‌నిలేదు. ఆ త్ర‌యాన్ని చూడ‌టానికి చూడ‌టానికి రెండు క‌ళ్లు స‌రిపోవు. టీవీలో వీక్షిస్తున్న అభిమానుల‌కే ఆ స్థాయిలో ఉత్సాహం ఉర‌క‌లేస్తుందంటే? లైవ్ లో స్పాట్ లో ఉన్న అభిమానులు ఇంకెంత సంతోషానికి గుర‌వుతారో చెప్పాల్సిన ప‌నిలేదు. ఈరోజు ప్రాంగ‌ణంలో ఉన్న అభిమానులంతా గొప్ప అదృష్ట‌వంతులే.

చంద్ర‌బాబు నాయుడు ప్ర‌మాణ స్వీకారం చేస్తున్న స‌మ‌యంలో ఆ ముగ్గురు పక్క ప‌క్క‌నే కూర్చుని వీక్షిస్తుంటే? ఆ కిక్ అభిమానుల‌కు మామూలుగా ఉండదు గా. ఇప్పుడ‌దే ఆస్వాద‌న‌కు గుర‌వుతున్నారు అభిమానులంతా. ఇక బాల‌య్య వేదిక వ‌ద్ద పెద్ద‌త‌ర‌హా పాత్ర పోషిస్తున్నారు. వ‌స్తున్న ముఖ్య‌మైన అతిధులంద‌రికీ సాద‌రంగా స్వాగ‌తం ప‌లుకుతున్నారు. ముఖ్య‌మైన వారంద‌రికీ కేటాయించిన కుర్చీల వ‌ద్ద‌కు ఆయ‌న దగ్గ‌రుండి మ‌రీ పంపిస్తున్నారు.

స్పాట్ లో బాల‌య్య‌-చిరంజీవి క‌ర‌చాల‌నం, అటుపై రజనీకాంత్ దంపతులకు వెల్కమ్ చెప్పడం ఎంతో బాగుంది. చిరు..బాల‌య్య‌..ర‌జ‌నీ కాంత్ ఒకే ఓట ఆసీనుల‌య్యారు. వాళ్ల‌కు కావాల్సినవ‌న్నీ బాల‌య్య చూసుకుంటున్న‌ట్లు అక్క‌డ ముచ్చ‌ట‌ని బ‌ట్టి తెలుస్తుంది. సినిమా ఇండ‌స్ట్రీ నుంచి ఇంకా నారా రోహిత్, నిఖిల్, దర్శకుడు క్రిష్ తదితరులు విచ్చేసారు. సాధార‌ణంగా ఇలాంటి వేదిక రాజ‌కీయ నాయ‌ల‌కుల‌కే ప‌రిమిత‌మ‌వుతుంది. కానీ ఈసారి సినీమా వాళ్లంతో రంగుల మ‌యం అయింది.