నోలన్ క్రేజ్.. అడ్వాన్స్ బుకింగ్స్ రికార్డ్‌

హాలీవుడ్‌ స్టార్‌ క్రిస్టోఫర్ నోలన్‌ కి ఇండియాలో ఉన్న ఫ్యాన్ ఫాలోయింగ్ ఏంటో మరోసారి నిరూపితం అయ్యింది. తాజాగా ఆయన నటించిన ఓపెన్ హైమర్ సినిమా విడుదలకు సిద్ధం అయ్యింది. ఈ వారంలో వరల్డ్ బాక్సాఫీస్ వద్దకు రాబోతున్న ఈ సినిమా ను ఇండియాలో చూసేందుకు నోలన్ అభిమానులు ఎంతో ఆసక్తిగా ఎదురు చూస్తున్నారు.

ఓపెన్ హైమర్ సినిమా ఫస్ట్‌ వీకెండ్‌ లో ఏకంగా రూ.35 కోట్ల వసూళ్లు రాబట్టే అవకాశాలు కనిపిస్తున్నాయి. ఇప్పటి వరకు పీవీఆర్.. ఐనాక్స్ తో పాటు ఇతర మల్టీప్లెక్స్ ల్లో దాదాపుగా 2.5 లక్షల టికెట్లు అమ్ముడు పోయాయి. శని.. ఆదివారాల్లో ఎక్కువగా ఈ సినిమాను చూడబోతున్నారు. సినిమా కి పాజిటివ్‌ టాక్ వస్తే భారీ ఎత్తున వసూళ్లు నమోదు అయ్యే అవకాశాలు ఉన్నాయి.

మొదటి రోజు సినిమాను చూసేందుకు దాదాపుగా లక్ష టికెట్లను అడ్వాన్స్ బుకింగ్ ద్వారా ఇండియన్‌ సినీ ప్రేమికులు కొనుగోలు చేయడం జరిగింది. ఇది హాలీవుడ్‌ సినిమాల్లో అరుదైన రికార్డ్ గా చెప్పుకోవచ్చు. గతంలో వచ్చిన పలు హాలీవుడ్‌ సినిమాల అడ్వాన్స్ బుకింగ్‌ తో పోల్చితే ఈ సినిమా దే రికార్డ్‌ అన్నట్లుగా బాక్సాఫీస్ వర్గాల వారు కామెంట్స్ చేస్తున్నారు.

కేవలం ఇండియన్ బాక్సాఫీస్ వద్దే కాకుండా ప్రపంచ వ్యాప్తంగా కూడా ఓపెన్‌ హైమర్ తో భారీ ఓపెనింగ్స్ ను దక్కించుకోబోతున్నాడు. అడ్వాన్స్ బుకింగ్‌ లో సరికొత్త రికార్డులు నమోదు అవుతున్నాయి. క్రిస్టోఫర్ నోలన్ సినీ కెరీర్ లో అతి పెద్ద సినిమా గా ఈ సినిమా నిలవబోతోంది అంటూ వరల్డ్ బాక్సాఫీస్ వర్గాల టాక్.

ఈ సినిమా అంతర్జాతీయ స్థాయి లో దక్కించుకునే టాక్ ను బట్టి గతంలో వచ్చిన సూపర్‌ హిట్‌ సినిమా ల కలెక్షన్స్ ను దాటేది లేనిది క్లారిటీ వచ్చే అవకాశం ఉందని తెలుస్తోంది.

నోలన్‌ కి ఇండియాలో ఉన్న క్రేజ్ తాజా అడ్వాన్స్ బుకింగ్‌ తో క్లారిటీ వచ్చింది. ముందు ముందు నోలన్ సినిమాలు మరిన్ని ఇండియన్ బాక్సాఫీస్ వద్ద చెడుగుడు ఆడుకునే అవకాశాలు లేకపోలేదు.