ఫేమ‌స్ గాయ‌కుల ఆట షురూ!

ద‌లేర్ మెహందీ-మికా సింగ్ సొద‌ర‌ గాయ‌కుల జోడీ ఎంత ఫేమ‌స్ అన్న‌ది చెప్పాల్సిన ప‌నిలేదు. ఇండియా వైడ్ ప్ర‌త్యేక‌మైన ఫాలోయింగ్ ఉంది. ఆ జోడీ గొంతు వినిపిస్తే ఎవ‌రిలోనైనా వైబ్రేష‌న్ జ‌నించాల్సిందే. వాళ్ల పాట‌లకు శ్రోత‌లు ఊగిపోవాల్సిందే. స్టెప్ అందుకోవాల్సిందే. ఇంత ఫేమ‌స్ అయిన జోడీ ఇంత‌వ‌ర‌కూ ఏనాడు మ్యాక‌ప్ వేసుకోలేదు. కేవ‌లం పాట‌ల‌తోనే ప్రేక్ష‌కుల హృద‌యాల‌కు ద‌గ్గ‌ర‌య్యారు.

అయితే ఇప్పుడా జోడీని ప‌రిచ‌యం చేసే బాధ్య‌త‌లు కిలాడీ అక్ష‌య్ కుమార్ తీసుకున్న‌ట్లు తెలుస్తోంది. 'వెల్ క‌మ్'..'వెల్ క‌మ్' బ్యాక్ చిత్రాలు బాక్సాఫీస్ వ‌ద్ద ఎలాంటి సంచ‌ల‌నాలు న‌మోదు చేసాయో చెప్పాల్సిన ప‌నిలేదు. ఇప్పుడీ వీటికి కొన‌సాగింపుగా 'వెల్ క‌మ్ -3' ని తెర‌కెక్కిస్తున్నారు. ఇందులో అక్ష‌య్ కుమార్-సంజ‌య్ ద‌త్- అర్ద‌ష్ వార్షి -ప‌రేష్ రావ్ లు ప్ర‌ధాన పాత్ర‌లు పోషిస్తున్నారు.

ఇదే సినిమాతో ద‌లేర్ మెహందీ- మికా సింగ్ లు కూడా న‌టించ‌బోతున్నారు అన్న ఆస‌క్తిక‌ర విష‌యం లీకైంది. కేవ‌లం పాట‌తోనే కాక‌కుండా ఆట‌తోనూ ఆక‌ట్టుకునే యూనిట్ వాళ్ల‌తో సంప్ర‌దింపులు జ‌రుపుతోందిట‌. ఇద్ద‌రు సినిమాలో మంచి ప్రాధ‌న్య‌మున్న క‌మెడియ‌న్లుగా ప్రేక్ష‌కుల్ని మెప్పించ బోతున్నార‌ని స‌మాచారం. ఇప్పుడీ వార్త ఆ గాయ‌కుల అభిమానుల్లో జోష్ ని నింపింది.

ఇంత‌కాలం కెమెరా వెనుకున్న సోద‌రులు కెమెరా ముందుకొస్తే న‌వ్వులు పువ్వులు పూయ‌డం ఖాయ‌మంటూ అభిమానులు కామెంట్లు పోస్ట్ చేస్తున్నారు. ఆ ర‌కంగా సోద‌రుల ఇద్ద‌రి కెరీర్ కొత్త ట‌ర్నింగ్ తీసుకుంటుంద‌ని చెప్పొచ్చు. ఈ సినిమా త‌ర్వాత న‌టులుగా మ‌రింత బిజీ అవుతార‌ని అభిమానులు భావిస్తున్నారు. వాళ్ల‌లో ఉన్న జోష్..ఎన‌ర్జీ ప్ర‌తీది అన్న‌ద‌మ్ములిద్ద‌ర్నీ ప్ర‌త్యేకంగా ఫోక‌స్ చేస్తుంద‌ని అంటున్నారు. సొద‌రులు ఇలా ట‌ర్నింగ్ తీసుకోవ‌డానికి ప్ర‌త్య‌క్ష కార‌కులు అక్ష‌య్ కుమార్ అట‌. ఆయ‌నే లీడ్ తీసుకుని వాళ్ల‌ని సినిమాలో భాగం చేస్తే బాగుంటుంద‌ని మేక‌ర్స్ కి సూచించ‌డంతో తెర‌పైకి తెస్తున్న‌ట్లు తెలుస్తోంది.