స్టార్‌ డాన్సర్‌ హఠాన్మరణం

ప్రపంచ వ్యాప్తంగా అభిమానులను సొంతం చేసుకున్న ప్రముఖ డాన్సర్‌ రాబిన్‌ విండ్సర్ హఠాన్మరణం ఆయన అభిమానులను శోక సంద్రంలో ముంచింది. 44 ఏళ్ల వయసులోనే ఆయన తిరిగి రాని లోకాలకు వెళ్లడం ఫ్యాన్స్ జీర్ణించుకోలేక పోతున్నారు.

తన డాన్స్ తో ప్రపంచవ్యాప్తంగా ఎన్నో షో లు చేసి కోట్లాది మంది అభిమానులను సొంతం చేసుకున్న రాబిన్ విండ్సర్ మరణంకు గల కారనం పై ఇప్పటి వరకు ఎలాంటి స్పష్టత లేదు. ఆయన అభిమానులు సోషల్ మీడియా ద్వారా తమ ప్రగాఢ సానుభూతి తెలియజేస్తూ ఆర్‌ఐపీ రాబిన్ అంటూ ట్రెండ్ చేస్తున్నారు.

1979 లో జన్మించిన రాబిన్‌ చిన్న వయసులోనే డాన్సర్‌ గా మంచి గుర్తింపు దక్కించుకున్నాడు. 2010 నుంచి 2013 వరకు ఆయన పాట్సీ కెన్సిట్‌, అనితా డాబన్స్ వంటి వారితో కలిసి ప్రోగ్రాం లు చేయడం జరిగింది. ఆ కార్యక్రమాలు మంచి విజయాన్ని సొంతం చేసుకున్నాయి.

ఆ తర్వాత సొంతంగా ఎన్నో కార్యక్రమాలు చేస్తూ మంచి పేరును సొంతం చేసుకుని ప్రపంచ వ్యాప్తంగా గొప్ప షో లు ఇవ్వడం ద్వారా అభిమానులను సొంతం చేసుకున్నాడు. సోషల్‌ మీడియాలో రాబిన్‌ విండ్సర్ కి ఉన్న ఫాలోయింగ్‌ మామూలుది కాదు. అందుకే ఆయన మరణ వార్త సోషల్ మీడియాలో ట్రెండ్‌ అవుతోంది.