డిసెంబర్ బాక్సాఫీస్.. సాలీడ్ కలెక్షన్స్

ఈ ఏడాది డిసెంబర్ మూవీ ఇండస్ట్రీకి భాగా కలిసొచ్చిందని చెప్పాలి. మిగిలిన నేలలతో పోల్చుకుంటే డిసెంబర్ లో పెద్ద సినిమాలు ఎక్కువగా రిలీజ్ అయ్యాయి. నిజానికి సినిమా ఇండస్ట్రీలో సక్సెస్ రేట్ చాలా తక్కువగా ఉంటుంది. ఒక్కో ఏడాది ఒక్కో నెలలో ఎక్కువ సక్సెస్ లు వస్తూ ఉంటాయి. అలాగే ఈ ఏడాదిలో డిసెంబర్ నెలలో ఎక్కువ సినిమాలు రావడంతో పాటు సక్సెస్ లు కూడా అంతే భారీగా వచ్చాయి.

ఈ ఏడాది థర్డ్ హైయెస్ట్ కలెక్షన్స్ ని అందుకున్న చిత్రం అయిన యానిమల్ డిసెంబర్ 1న ప్రేక్షకుల ముందుకి వచ్చింది. షారుఖ్ ఖాన్ పఠాన్, జవాన్ తర్వాత యానిమల్ మూవీ ఏకంగా 890 కోట్ల గ్రాస్ ని దక్కించుకుంది. ఈ సినిమాతో ఈ ఏడాది బాలీవుడ్ ఆధిపత్యం ఇండియన్ సిల్వర్ స్క్రీన్ పై స్పష్టంగా కనిపించింది. అలాగే హిందీలో విక్కీ కౌశల్ లీడ్ రోల్ లో సామ్ బహుదూర్ మూవీ వచ్చింది.

ఈ మూవీ కూడా ఇప్పటి వరకు 123 కోట్ల గ్రాస్ ని కలెక్ట్ చేసింది. యానిమల్ తో పాటు రిలీజ్ అయిన పాజిటివ్ టాక్ సొంతం చేసుకొని వంద కోట్ల మార్క్ ని దాటింది. షారుఖ్ ఖాన్ హీరోగా రాజ్ కుమార్ హిరాణీ దర్శకత్వంలో చేసన డంకీ మూవీ డిసెంబర్ 24న రిలీజ్ అయ్యింది. ఆరంభంలో పర్వాలేదనే టాక్ తెచ్చుకున్న. ప్రస్తుతం పెద్ద ప్రభావం చూపించడం లేదు. ఈ మూవీ ఇప్పటి వరకు 322 కోట్లు గ్రాస్ కలెక్ట్ చేసింది.

వీటి తర్వాత తెలుగులో వచ్చిన సలార్ మూవీ 500 కోట్లకి పైగా గ్రాస్ కలెక్ట్ చేసి ఈ ఏడాది టాలీవుడ్ నుంచి హైయెస్ట్ గ్రాస్ మూవీగా నిలిచింది. ఇంకా ఈ మూవీకి సాలిడ్ కలెక్షన్స్ వస్తున్నాయి. వీకెండ్స్ కలిసొచ్చే అవకాశం ఉందని అంచనా వేస్తున్నారు. నేచురల్ స్టార్ నాని హీరోగా వచ్చిన హాయ్ నాన్న మూవీ ఇప్పటి వరకు 74 కోట్ల గ్రాస్ ని అందుకుంది. నాని ఖాతాలో ఈ ఏడాది హాయ్ నాన్నతో సెకండ్ హిట్ వచ్చింది.

మలయాళంలో మోహన్ లాల్, ప్రియమణి లీడ్ రోల్ లో ఎమోషనల్ కోర్టు రూమ్ డ్రామాగా వచ్చిన మూవీ నేరు. ఈ సినిమాకి మంచి పాజిటివ్ టాక్ వచ్చింది. డిసెంబర్ 21న రిలీజ్ అయిన ఈ మూవీ ఇప్పటి వరకు ఏకంగా 50 కోట్ల గ్రాస్ ని సొంతం చేసుకుంది. పాజిటివ్ టాక్ రావడంతో మంచి సాలిడ్ కలెక్షన్స్ వస్తున్నాయి.