వలపుల వల.. నిర్మాత విలవిల.. మధ్యలో డైరెక్టర్ అరెస్ట్!

రంగుల ప్రపంచంలో వలపుల వలలు అత్యంత సహజం అని చెబుతుంటారు. ఈ క్రమంలో ఎదురయ్యే వలపుల వలలు.. అందులో చిక్కుకున్న వారి విలవిలలు అప్పుడప్పుడూ మీడియాలో ప్రత్యక్షమవుతుంటాయి. అనంతరం వాటి రిజల్ట్ ఏమైందనేది కొన్ని సందర్భాల్లో గుట్టు చప్పుడు కాకుండా మిగిలిపోగా... మరికొన్ని సందర్భాల్లో పోలీస్ స్టేషన్ మెట్లెక్కుతుంటాయి. ఈ క్రమంలో తాజాగా ఒక జరిగిన ఒక ఘటన పోలీస్ స్టేషన్ మెట్లెక్కింది.

అవును... ఓ యువతి పన్నిన వలపుల వలలో చిక్కిన ఓ నిర్మాత విలవిలలాడిన ఘటన తాజాగా వెలుగులోకి వచ్చింది. దీనికి సంబంధించిన విషయాలు తెలుసుకున్న పోలీసులే విస్తుపోయారని చెబుతున్నారు. ఈ ఘటనలో ఒక యువతి వలపుల వల వేయగా.. అందులో నిర్మాత విలవిల్లాడగా.. తాజాగా దర్శకుడిని పోలీసులు అరెస్ట్ చేయడం గమనార్హం. ఈ కథాకమీషేమిటో ఇప్పుడు చూద్దాం!

వివరాళ్లోకి వెళ్తే... ఒక నిర్మాతలకు వలపన్ని.. డబ్బు గుంజేందుకు ప్రయత్నించిన దర్శకుడిని బెంగళూరు నగర పడమటి విభాగం పోలీసులు అరెస్టు చేశారు. ఈ సందర్భంగా యువతుల సాయంతో లైంగిక బెదిరింపులకు పాల్పడటం.. అనంతరం నిర్మాతల నుంచి డబ్బు గుంజేందుకు ప్రయత్నించడం అమలుచేస్తున్నాడు ఒక దర్శకుడు. తాజాగా ఈ పథకాన్ని వమ్ము చేసినట్లు అధికారులు చెబుతున్నారు.

తాజాగా ఒక నిర్మాత వద్దకు యువతులను పంపించడం.. అనంతరం బ్లాక్ మెయిల్ చేసి డబ్బు కోసం బెదిరించడం వంటి ఆరోపణలను పరిగణలోనికి తీసుకుని దర్శకుడి ఆటకట్టించారు పోలీసులు. ఈ సమయంలో తనకు ఎదురైన ఇబ్బందిని బాధిత నిర్మాత నగర పోలీసులకు ఫిర్యాదు చేశారు. దీంతో రంగంలోకి దిగిన పోలీసులు దర్యాప్తు చేసి నిందితుడిని అరెస్టు చేశారు. ప్రస్తుతం ఈ కేసుకు సంబంధించి మరింత దర్యాప్తు జరుగుతుందని తెలుస్తుంది.