డాన్ లీ - ప్రభాస్ కాంబో… సిగ్నల్ వచ్చేసింది కానీ..

యంగ్ రెబల్ స్టార్ ప్రభాస్ రేంజ్ సినిమా సినిమాకి పెరిగిపోతుంది. ప్రస్తుతం మారుతి దర్శకత్వంలో చేస్తోన్న 'ది రాజాసాబ్' తర్వాత ప్రభాస్ లైన్ అప్ లో ఉన్న ప్రతి మూవీ ఒక డైమండ్ అనే మాట ఇండస్ట్రీ వర్గాలలో వినిపిస్తోంది. హను రాఘవపూడి దర్శకత్వంలో చేస్తోన్న 'ఫౌజీ' సెకండ్ వరల్డ్ వార్ కి ముందు జరిగిన కథతో తెరకెక్కుతోంది. అంటే పాన్ వరల్డ్ స్కోప్ ఉన్న కంటెంట్ తోనే ఈ చిత్రం పవర్ ఫుల్ గా ఉండబోతోందని తెలుస్తోంది.

ఇక సందీప్ రెడ్డి వంగా దర్శకత్వంలో తెరకెక్కనున్న 'స్పిరిట్' మూవీ గురించి ఎంత చెప్పిన తక్కువే అవుతుంది. అలాగే 'కల్కి 2898ఏడీ పార్ట్ 2', 'సలార్ 2' సినిమాలు రెండు కూడా ఇప్పటికే 1000 కోట్ల క్లబ్ మూవీస్ గా ట్రేడ్ పండితులు డిసైడ్ చేసేసారు. ఇదిలా ఉంటే సందీప్ రెడ్డి వంగా దర్శకత్వంలో తెరకెక్కనున్న 'స్పిరిట్' మూవీ షూటింగ్ డిసెంబర్ నుంచి స్టార్ట్ అవుతుందనే మాట వినిపిస్తోంది.

ఈ సినిమా కోసం కొరియన్ సూపర్ స్టార్, మార్వెల్ హీరో డాన్ లీని తీసుకోబోతున్నారనే ప్రచారం చాలా కాలం నుంచి నడుస్తోంది. హాలీవుడ్ రేంజ్ లో గుర్తింపు ఉన్న డాన్ లీ స్పిరిట్ లో భాగం అయితే మాత్రం కచ్చితంగా మూవీ రేంజ్ అమాంతం పెరిగిపోతుందని చెప్పొచ్చు. రాజమౌళి, మహేష్ బాబు కాంబోలో రాబోయే సినిమాకంటే ఎక్కువ క్రేజ్ స్పిరిట్ మీద క్రియేట్ అవుతుందని ట్రేడ్ పండితులు సైతం అంటున్నారు.

తాజాగా డాన్ లీ తన ఇన్ స్టాగ్రామ్ లో 'సలార్ పార్ట్ 2' పోస్టర్ షేర్ చేసి దానికి థంబ్ ఎమోజీ పెట్టారు. దీంతో ఈ పోస్ట్ సోషల్ మీడియాలో వైరల్ అవుతోంది. 'సలార్ పార్ట్ 2' లో డాన్ లీ ఏమైనా భాగం అవుతున్నాడని టాక్ ఈ పోస్ట్ తో తెరపైకి వచ్చింది. అయితే ప్రభాస్ తో మూవీ చేస్తోన్న విషయాన్ని డాన్ లీ ఇలా కన్ఫర్మ్ చేసి ఉండొచ్చని అనుకుంటున్నారు. 'స్పిరిట్' కోసమే అతనిని సందీప్ రెడ్డి వంగా ఫైనల్ చేసి ఉంటాడని భావిస్తున్నారు.

అయితే ప్రభాస్ కటౌట్ ఎలివేషన్ కి 'సలార్' లో దేవ లుక్ పర్ఫెక్ట్ గా ఉంటుంది. అందుకే ఆ పోస్టర్ పెట్టి ఉంటాడని ఫ్యాన్స్ అనుకుంటున్నారు. ఒక వేళ డాన్ లీ 'సలార్ 2' లో భాగం అయితే మేకర్స్ ఇప్పటికే ప్రకటించి ఉండేవారని సినీ విశ్లేషకులు అంటున్నారు. అయితే డాన్, లీ, ప్రభాస్ కాంబినేషన్ అయితే ఆల్ మోస్ట్ కన్ఫర్మ్ అయ్యిందని, అయితే డాన్ లీ 'సలార్ 2'లో ఉంటాడా, 'స్పిరిట్' లో నటిస్తాడా అనేది త్వరలో తెలిసిపోయే ఛాన్స్ ఉందని ఫ్యాన్స్ నమ్ముతున్నారు.